"Kung pagod ka na sa buhay, pakinggan mo ang kwento ni Elias. Si Elias ay propeta ng Diyos. Bago siya mapagod, marami na siyang pinagdaanan. Nakipaglaban siya sa mga laban, nagtiwala siya sa Diyos, at nanindigan siya para sa maraming tao. Pero dumating ang punto na sobra siyang nanghina kaya umupo siya sa ilalim ng puno sa ilang. At sinabi niya: “Panginoon, tama na. Pagod na ako. Ayoko nang magpatuloy.” Pero alam mo kung ano ang pinaka-gusto ko sa kwentong ito? Hindi siya sinermonan ng Diyos. Hindi sinabi ng Diyos na: “Bakit ang hina mo?” O: “Nasaan ang pananampalataya mo?” Hindi. Ang unang ginawa ng Diyos para kay Elias ay pinatulog siya, binigyan ng pagkain, at binigyan ng tubig. Parang sinasabi ng Diyos: “Anak, hindi kasalanan mapagod.” Kasi minsan, pakiramdam natin kailangan lagi tayong lumaban, lagi dapat productive, lagi dapat sumagot sa lahat, at laging magmukhang “okay lang ako.” Pero kahit ang pinakamalakas na lingkod ng Diyos, napapagod din. Sabi sa Bibliya: “Kayo ay magsitigil at kilalanin ninyo na Ako ang Diyos” (Awit 46:10). At minsan, ang pahinga ay hindi tanda ng kahinaan—bahagi rin ito ng pagtitiwala sa Diyos. Kasi alam ng Diyos kapag sukdulan na ang ating pagod. Kaya kung pagod na pagod ka ngayon, gusto kong ipaalala sa’yo: hindi mo kailangang pasanin lahat mag-isa. Pwede kang huminto muna, pwede kang umiyak, pwede kang magpahinga. Kasi hindi hinihingi ng Diyos na maging malakas ka araw-araw. Baka katulad ka ni Elias. Baka sa ngayon, pinapahinga ka muna ng Diyos, dahil gagamitin ka Niya ulit sa tamang panahon. Kaya kung pagod ka ngayon, pwede mong sabihin: “God, kailangan Kita!” Inaanyayahan kita na pag-aralan natin ang Salita ng Diyos at hanapin ang tunay na pahinga sa Kanya. Kung naantig ka, huwag kalimutang i-share ang mensaheng ito sa taong mahal mo. May God bless you. #fyp #diyos #biblestudy #philippines #Elijah - @1victoriareyes