⚜️ XIX АУДАНДЫҚ АРДАГЕРЛЕР СПАРТАКИАДАСЫ ӨТТІ 🔹Бүгін аудандық Руханият орталығында XIX аудандық ардагерлер спартакиадасы өтті. Дәстүрлі спорттық додаға кент және ауылдық округтерден ардагерлер қатысты. 🔹Салауатты өмір салтын ұстанған ардагерлер арасындағы спорттық сайысты аудан әкімінің орынбасары Ғани Сүлейменов ашып, жарыстың маңыздылығына тоқталып, қатысушыларға сәттілік тіледі. 🔹«Ардагерлердің спортпен тұрақты айналысуы – салауатты өмір салтын насихаттаудың жарқын үлгісі. Бүгінгі сайыс аға буын өкілдерінің белсенділігін арттырып, өзара ынтымақтастығын нығайтуға мүмкіндік береді», – деді Ғани Сүлейменов. 🔹Дүбірлі доданы өткізудегі басты мақсат – аудан ардагерлерінің салауатты өмір салтын қалыптастырып, спортпен шұғылдануға деген қызығушылығын арттыру және бұқаралық спортты дамыту. 🔹Жарыстың ашылуында аудан ардагерлері төрағасы Садық Әлиев барлық қатысушылар мен ұйымдастырушыларға алғысын білдіріп, ардагерлерге сәттілік тіледі. 🔹Тартысты өткен спорттық сайыстың қорытындысы бойынша жүлдегерлер арнайы дипломдармен және қаржылай сыйлықтармен марапатталды. Жалағаш ауданы әкімінің баспасөз қызметі - @zhalagash_live