@.talhahassan: إنت قايل شيخ الزين براهو بس ..؟ أبدًا والله .. أي شيخ أو داعية عنده تأثير على الشباب .. طوالي بشوّهوا ليك صورتو .. شيخ الزين له تأثير كبير على الشباب وعلى الشعب السوداني كلو .. ياخ مستحيل يمر عليك يوم بدون تسمع قرآن بصوت شيخ الزين .. لو ما سمعتو بإرادتك .. حتسمعو غصبًا عنك .. لأنك حتسمعو في المواصلات .. وفي الكافتيريات .. والدكاكين .. وفي بيوتنا السودانية .. وفي الإذاعة .. 📻 وده غير إنو في فترة الحرب دي طاف ولايات كتيرة .. وشفتو إقبال الشباب، خاصة، على الاستماع للقرآن .. وتأثيرو وصل حتى للفنانين .. منهم صلاح ولي، كان صاحب شيخ الزين، وهسي تاب من الغناء .. ربنا يثبتنا وإياه. أصلًا الهجوم على الشيوخ العندهم تأثير، الهدف منه في أحيان كثيرة ما بكون الشيخ نفسه .. بل الهدف بكون إنهم يخلوك تكره المشايخ ديل، وبالتالي تكره الإسلام وتبعد عن الدين .. ولسه حيستمر الهجوم عليهم وعلى أي شيخ له تأثير، خاصة لو كان ليه تأثير على الشباب .. #كلنا_شيخ_الزين

تنبش 📿

Open In TikTok:

Region: SD

Tuesday 18 August 2026 13:19:07 GMT