🍢 بروشيتات الدجاج المتبّلة 🛒 المقادير: * 500غ صدر دجاج مقطع مكعبات * 1 فلفلة حمراء * 1 فلفلة خضراء * 1 بصلة * 1 حبة طماطم * 2 معالق كبار ياغورت طبيعي أو حليب * 1 معلقة كبيرة زيت الزيتون * 1 معلقة صغيرة بابريكا * ½ معلقة صغيرة كمون * ½ معلقة صغيرة كركم * ½ معلقة صغيرة ثوم بودرة * ½ معلقة صغيرة زنجبيل * شوية إبزار * شوية ملح * عصير نصف حامضة 👩‍🍳 الطريقة: 1. قطعي الدجاج لمكعبات متوسطة. 2. فزلافة، خلطي الدجاج مع الياغورت أو الحليب، زيت الزيتون، عصير الحامض وجميع التوابل. 3. غطيه وخليه يتشرب المذاق لمدة 10 دقايق. 🤤 4. قطعي الفلفلة، البصل والطماطم قطع مناسبة للبروشيت. 5. دخلي الدجاج والخضر فالبروشيتات بالتناوب: دجاج 🥩 + فلفلة 🫑 + بصل 🧅 + طماطم 🍅. 6. إلى كنتي غادي تستعملي بروشيتات خشبية، نقعيهم فالماء قبل الاستعمال باش ما يتحرقوش. 7. دخليهم للـ Air Fryer على 190°C لمدة 15–18 دقيقة، وقلبيهم فنص الطياب. أو دخليهم للفران على 200°C حوالي 20–25 دقيقة حتى يتحمر الدجاج مزيان. 🔥 ⸻ 🥗 سلطة العدس بالبنجر والخضر 🛒 المقادير: * 250غ عدس مسلوق ومبرد * 1 حبة بنجر مسلوقة ومحكوكة * 1 حبة خيار مقطعة مكعبات * كمية مزيانة ديال المعدنوس مفروم 🌿 * ½ بصلة صغيرة مفرومة * شوية ملح * شوية إبزار 🥣 للفيڭريت: * 3 معالق كبار زيت الزيتون * عصير نصف حامضة * 1 معلقة صغيرة موتارد * 1 معلقة صغيرة خل * شوية ملح * شوية إبزار * رشة كمون 👩‍🍳 الطريقة: 1. فزلافة كبيرة، ديري العدس المسلوق. 2. زيدي عليه البنجر المحكوك، الخيار، البصلة والمعدنوس بكمية مزيانة. 🌿🥒 3. فزلافة صغيرة، خلطي زيت الزيتون، الحامض، الموتارد، الخل، الملح، الإبزار والكمون. 4. صبي الفيڭريت فوق السلطة وخلطي كلشي بشوية حتى يتجانس. 🥗 5. دخليها للثلاجة شوية قبل التقديم باش تبرد ويتشرب العدس النكهات. ✨ قدمي سلطة العدس مع بروشيتات الدجاج سخونة… وجبة كاملة، ملونة وشهية! 🍢🥗😋 - @sehti_fd9i9a