زلیخا کے عشق نے یہ راز کھولا محبوب حسین ہو تو نیت بدل ہی جاتی ہے۔ کچھ محبتیں انسان کو حاصل نہیں کرتیں بلکہ اسے اندر سے بدل دیتی ہیں۔ وہ خواہش جو کبھی ضد ہوا کرتی ہے وقت کے ساتھ دعا بن جاتی ہے۔ وہ شخص جو کبھی منزل لگتا ہے رب کی رضا کے آگے راستہ بن جاتا ہے۔ زلیخا کا عشق بھی شاید یہی کہتا ہے کہ محبت اگر دل کی گہرائی سے ہو تو انسان محبوب کے چہرے سے آگے اس کے رب کی قدرت دیکھنے لگتا ہے۔ پھر حسن صرف آنکھوں کو نہیں بھاتا بلکہ روح کو بھی اپنی طرف کھینچتا ہے۔ کسی کے حسین ہونے کا اثر یہ نہیں کہ دل اسے پانے پر اَڑ جائے اصل حسن تو تب ظاہر ہوتا ہے جب محبت انسان کو پاکیزہ کر دے۔ جب چاہت میں قبضہ نہیں، دعا ہو جب انتظار میں شکوہ نہیں، صبر ہو اور جب محبوب کی خواہش سے پہلے رب کی رضا عزیز ہو جائے۔ کچھ لوگ زندگی میں اس لیے آتے ہیں کہ ہمیں محبت کا مطلب سمجھا سکیں اور کچھ محبتیں اس لیے ملتی ہیں کہ ہمیں اپنے رب کے قریب کر سکیں۔ پھر دل یہ نہیں کہتا "مجھے وہ ہر حال میں چاہیے" بلکہ خاموشی سے کہتا ہے اگر وہ میرے حق میں بہتر ہے" "تو اے رب، اسے میرا مقدر بنا دے۔ کیونکہ سچی محبت انسان کو بےقرار ضرور کرتی ہے مگر بے راہ نہیں ہونے دیتی۔ یہ آنکھوں میں خواب ضرور رکھتی ہے مگر دل میں رب کا خوف بھی رکھتی ہے۔ یہ محبوب کی طرف کھینچتی ضرور ہے مگر سجدے سے دور نہیں کرتی۔ اور شاید محبت کی سب سے حسین منزل یہی ہے کہ انسان کسی کو چاہے بھی بےحد مگر اپنے رب سے زیادہ نہیں۔ کسی کے لیے تڑپے بھی بہت مگر تقدیر سے بغاوت نہ کرے۔ اور کسی کو اپنا بنانے کی خواہش میں اپنی نیت کا حسن کبھی نہ کھوئے۔ کیونکہ محبوب کا حسن اگر صرف آنکھوں کو بدل دے تو وہ صرف کشش ہے۔۔۔ مگر محبوب کی محبت اگر نیت، کردار اور دعا بدل دے تو شاید وہ محبت نہیں رب کی طرف سے 🤍✨ایک خاموش تربیت ہے۔ 🌷🌸ہیر #fyp #fypシ #fypシ゚viral #foryoupage #unfrezzmyaccount - @heer_writes_01