@paza_sauti_media: Mamlaka ya Hali ya Hewa Tanzania (TMA) imetoa angalizo kuwepo kwa El Nino yenye nguvu kuanzia Septemba hadi Desemba 2026, hali inayoweza kusababisha vipindi vya mvua kubwa kuanza mapema katika baadhi ya maeneo nchini. Akizungumza na waandishi wa habari Agosti 18, 2026, Mkurugenzi Mkuu wa TMA, Ladislaus Chang’a, amesema athari za hali hiyo zinaweza kuendelea hadi mwanzoni mwa mwaka 2027. akiziomba Mamlaka za Bandari, reli, usafiri wa anga na Sekta ya Afya, kujiandaa mapema kukabiliana na athari zinazoweza kusababishwa na mvua hizo. Aidha, mvua za juu ya wastani zinatarajiwa katika Kanda ya Ziwa Victoria, ikiwemo Kagera, Geita, Mwanza, Shinyanga, Simiyu na Mara, pamoja na Kakonko na Kibondo mkoani Kigoma, Pwani ya Kaskazini, ikiwemo Dar es Salaam, Tanga, Pwani, kaskazini mwa Morogoro pamoja na visiwa vya Unguja na Pemba. TMA imeonya kuwa mvua hizo zinaweza kusababisha mafuriko katika maeneo ya mabondeni, uharibifu wa miundombinu na kuongezeka kwa magonjwa yanayotokana na maji yaliyotuama, huku wananchi wakitakiwa kuchukua tahadhari na kufuatilia taarifa rasmi za hali ya hewa.

Paza Sauti

Open In TikTok:

Region: TZ

Tuesday 18 August 2026 14:59:53 GMT