@dad.sirri: Şəki üsülunda badımcan, pomidor bibər dolması 🇦🇿 Şəki Azərbaycanın qədim tarixə və zəngin mədəni irsə malik şəhərlərindən biridir. Əsrlər boyu özünəməxsus mətbəxi, sənətkarlığı və memarlığı ilə seçilib. Şəki mətbəxində mövsümi məhsullardan hazırlanan qədim yeməklər bu gün də yaşadılır. Badımcan dolması da Şəkidə yay mövsümünün sevilən və özünəməxsus təqdimatı olan yeməklərindəndir. ❤️🇦🇿 Şəki üsulu badımcan, pomidor, bibər dolması Ərzaqlar: • 500 q yağlı qoyun əti qiyməsi • 1 böyük baş soğan • 1 kq dolmalıq badımcan • 4 ədəd yumru bibər • 4–5 ədəd pomidor • 500 q təzə lobya • Yaşıl reyhan • Kişniş • Darçın • Duz • Qara istiot • Az miqdarda sarıkök • 2–3 xörək qaşığı su Hazırlanması: Badımcanları pörtlədib yumşaldırıq, içini təmizləyirik. Pomidorların içini çıxarıb xırda-xırda doğrayırıq. Bibərlərin də içini təmizləyirik. Qiyməni ətçəkəndən keçirə və ya mənim etdiyim kimi kötük üzərində döyə bilərsiniz. Tavaya qiyməni əlavə edib öz yağında yaxşıca qovururuq. Qiymə biraz qovrulub yağını buraxandan sonra xırda doğranmış soğanı əlavə edib birlikdə qovururuq. Soğan tam qovrulduqdan sonra pomidorların içindən çıxardığımız xırda doğranmış hissələri əlavə edib yenə qovururuq. Duz, qara istiot, darçın, yaşıl reyhan, kişniş və çox az miqdarda sarıkök əlavə edib qarışdırırıq və ocağı söndürürük. Ayrıca bir qabda duz, qara istiot, darçın qarışdırırıq. Bu qarışıqdan badımcanların, bibərlərin və pomidorların içərisinə səpirik. Daha sonra hazırladığımız içliyi tərəvəzlərin içərisinə doldururuq. Təzə lobyanın başlarını təmizləyib qazanın dibinə birinci qat olaraq düzürük. Üzərinə bir qədər duz və istiot səpirik. Hazırladığımız badımcan, bibər və pomidor dolmalarını lobyanın üzərinə yerləşdiririk. Qazanın dibinə 2–3 xörək qaşığı su əlavə edirik ki, dibi tutmasın və lobya da yaxşı bişsin.

Dad.Sirri

Open In TikTok:

Region: AZ

Tuesday 18 August 2026 15:08:36 GMT