@houssam.life: علاش كل مرة كتبدل المدينة، الخدمة، وحتى البلاد… وكتبقى كتلقى نفس النوع ديال الناس؟ 👀 واش عمرك تساءلتي علاش كتدخل علاقات جديدة، ولكن كتخرج منها بنفس الألم القديم؟ مرة الخيانة… مرة الرفض… مرة التخلي… مرة الإهانة… مرة الاستغلال… وكتقول: «علاش ديما أنا؟ علاش كنلقى نفس الأشخاص؟» الحقيقة اللي ممكن تبدل ليك نظرتك كاملة هي: أنت ما كتجذبش نفس الأشخاص… أنت كتختارهم. والاختيار ديالك ما كيكونش دائماً واعي. العقل اللاواعي ديالك كيقلب على المألوف، لأن المألوف بالنسبة ليه مرتبط بالأمان. وهاد المألوف كيتبنى من: 🧠 التربية 🧠 التجارب اللي عشتِ 🧠 الصدمات والجروح العاطفية لهذا، حتى إلا بدلتي المدينة، الخدمة، البلد أو المحيط… إلا بقات البرمجة الداخلية نفسها، ممكن تبقى كتختار نفس النوع ديال الأشخاص. ولكن هنا كاين الخبر الزوين: 🔓 ملي كتبدل المألوف الداخلي ديالك، كتبدل الاختيارات ديالك. كتولي كتلاحظ إشارات ما كنتيش كتشوفها. كتولي كتقول «لا» في الوقت المناسب. كتولي ما كتخلطش بين الحب والألم. وكتولي ما كتنجذبش لنفس الأنماط اللي كانت كتأذيك. المشكل ماشي أنك كتعيش نفس القصة. المشكل أنك مازال كتشوف نفس القصة على أنها مألوفة. والسؤال الحقيقي ماشي: ❌ «علاش كنجذب نفس الأشخاص؟» ولكن: 🔥 «علاش كنختار نفس الأشخاص؟» وهنا كتبدأ الرحلة الحقيقية ديال التغيير. حضّرت ليك ورشة عملية باش تخدم على الجذور ديال هاد النمط: التربية + التجارب + الصدمات. 🎯 إلا بغيتي تخرج من هاد الدائرة وتفهم علاش كتعاود نفس السيناريوهات في حياتك: 👉 الرابط ديال الورشة تلقاه في الـBIO. وكتب ليا فالتعليقات: شنو هو النمط اللي كتلاحظ أنه كيتعاود في علاقاتك؟ 👇 #جروح_الطفولة #العقل_اللاواعي #الوعي #تطوير_الذات #العلاقات

هاجر🦋🪽 :

انا كنجذب هههه غا لي ميتة ليه شي ام كيجي عندي تقول عندي مقبرة يبقى يعاودو ليا عليها شحال كيبغيو مواتهم جاهم اكتئاب الله ياربي لي كيقول ليا مي ميتة كنقلب عليه 😂😂😂😂 مافيا لي يسمع تقول كيشوفوني طبيبة نفسية

mirale alaa ❤️🥰 :

أشنو هو الحل

mimi♥️ :

تفو عليا بكل صراحة 😂😂😂😂

Marina_Elfilali :

هذا الدرس خسرت عليه أموال طائلة في تيراپي 70 أورو لي الساعة مدة أربع سنوات عطتيه بلا مقابل في دقائق معدودة 👌من أفضل و أحسن واحد على التيكتوك أنت رزق من عند الله 🤲

🇩🇪🇲🇦marokinaffm👸👸👸 :

والله العظيم هالمشكلة لي عندي كلهم كيتشابهو😂

samasafia :

انا كانجذب المحسادين والمغيارين والمسمومين والحاقدين

khadija :

انا راه كتعاودو حت بنف الاسم هه🤣🤣🤣🤣🤣

rayan :

انا بدلت الدولة ولكن نفس الماركة لي كلقا 😁😁وليت جالسة بحدي هههههههههههه وعيييبت

rachidalakhnati🇲🇦🍒 :

glti kolchi walakin magltich l7al kifach nkhdmo 3la sadamat

👑zineb🍉👑 :

علاش فينما نسمع ونتفرج فهاذ الدروس كتشدني الخلعة

King Star 🌟 :

💖💖💖👍👍👍

طربيات خالدة :

فعل اختار فعل واع .. وانت قلت بأنه لا واع .. وهذا غير صحيح

Dinda Ka :

تف تف تف عليا 😂😂😂

mohamadassafi291 :

تحليل منطقي لان اي شخص تره داما مع نفس الشخص لانهم ليس لديهم افكار جديدة

🧬 ثريا💵 👑♈️ :

لا يغير الله ما بقوم حتى يغيروا ما بأنفسهم

❤️luxmata🤍💙 :

لمسة حنين :

نفس المشكل،فينما مشيت كنجذب الناس الفاشلين،المراض،البخلاء

laila lolita🇲🇦🇲🇦 :

وراه المشكل انه في الاول كلهم كيبانو مزيانين.كيفاش نقدرو نبدلو هاد المألوف الي في الاوعي دون الوقوع في نفس الاشخاص السيئين.

nadiacocoyaAntwerp :

faiza fofa :

انا نفس البرج ونفس الملامح تقولي خوت

𝓐𝓶𝓮𝓵꧂ :

سبحان الله واخيراً لقيت لى خلانى نفهم هذا الدرس لى سنييييييييبن وانا نعانى منو والله برافو 👍

خديجة اليسر :

المشكل هو اننا ماكنعرفوش المالوف شنو هو

user279316958025 :

نعم اجذب االنرجسيين أبي نرجسي استعراضي

Nadia :

شرح واضح تبارك الله اول مرة نفهم