@silentstrength9661: کبھی کبھی ہم سوچتے ہیں کہ جو لوگ ہمیں اذیت دیتے ہیں، وہ ایک دن ہمیں سمجھیں گے، ہماری خاموشی کے پیچھے چھپا شور سنیں گے اور ہمارے چہرے پر ٹھہری ہوئی مسکراہٹ کے پیچھے کا دکھ محسوس کریں گے۔ مگر حقیقت یہ ہے کہ ہر شخص کو ہماری خاموشی پڑھنا نہیں آتی۔ کچھ لوگ ہماری برداشت کو ہماری کمزوری سمجھتے رہے، ہماری خاموشی کو ہماری رضامندی، اور ہمارے ٹوٹنے کو ایک معمولی سا لمحہ۔ انہیں کیا خبر کہ انسان ایک دم نہیں ٹوٹتا… وہ روز تھوڑا تھوڑا مرتا ہے، ہر اُس لفظ کے ساتھ جو دل پر لگتا ہے، ہر اُس رویے کے ساتھ جو اسے اندر سے خالی کرتا ہے، اور ہر اُس شخص کے ساتھ جس سے اسے سکون کی امید ہوتی ہے۔ پھر ایک دن ہم اُنہی لوگوں سے دور ہو جاتے ہیں جنہیں کبھی کھونے کا تصور بھی خوفزدہ کر دیتا تھا۔ نہ کوئی شکایت رہتی ہے، نہ وضاحت کی خواہش… بس دل میں ایک عجیب سی خاموشی اتر آتی ہے۔ اور شاید یہی سب سے بڑی اذیت ہے؛ جب انسان کو رُلانے والے تو بہت ہوں، مگر سنبھالنے والا کوئی نہ ہو… اور جو کبھی سنبھال سکتا تھا، وہی یہ سمجھ کر گزر جائے کہ ہمیں اذیت سہنے کی عادت ہے۔
