Сіз басқа адам туралы жаман ойлаған сайын, сол ой ең алдымен өзіңіздің ішкі күйіңізге әсер ететінін білесіз бе? Мен осыны түсінгеннен кейін басқа адамдарды айыптауды, кінәлауды, олар туралы жаман ойлауды біртіндеп доғардым. Өйткені біз кейде біреудің айтқан сөзін айлап, тіпті жылдап ішімізде ұстап жүреміз. «Ол маған неге олай айтты?» «Неге маған солай жасады?» «Неге мені түсінбейді?» деп қайта-қайта ойлаймыз. Бірақ сол адам өзінің өмірімен өмір сүріп жүр. Ал сіз оның бір ауыз сөзін санаңызда қайта-қайта қайталап, өзіңіздің энергияңызды соған жұмсап жүрсіз. Сондықтан кешіру — оның жасаған әрекетін дұрыс деп қабылдау емес. Кешіру — өзіңізді сол адамға деген реніштен, ашудан және ауыр сезімдерден босату. Біреу сізді ренжітті ме? Жаман сөз айтты ма? Сізді түсінбеді ме? Сіз оны өзгерте алмайсыз. Бірақ өзіңіздің реакцияңызды өзгерте аласыз. Мен осыны түсінгеннен кейін өзімді әр адамға дәлелдеуді, ақталуды, арпалысуды доғардым. Қазір біреу маған жағымсыз сөз айтса, мен бірден сол адамның эмоциясына кіріп кетпеуге тырысамын. Себебі менің ішкі тыныштығымды басқа адамның сөзі басқармауы керек. Сіз де үнемі «ол өзгерсе екен» деп күтудің орнына, назарыңызды өзіңізге бұрыңыз. Мен неге бұған осылай реакция беріп жатырмын? Неге бұл сөз маған соншалықты әсер етті? Мен осы ренішті әрі қарай алып жүргім келе ме? Себебі сіз басқа адамның ойын, сөзін, әрекетін басқара алмайсыз. Бірақ өзіңіздің ойыңызды, реакцияңызды және назарыңызды басқара аласыз. Ал кейде сіз ішкі күйіңізді өзгерткен кезде, айналаңыздағы адамдармен қарым-қатынасыңыз да мүлдем басқаша бола бастайды. Нағыз трансформация — басқаларды өзгертуден емес, өзіңізді өзгертуден басталады. ❤️ #рек #өмір #тағдыр #медитация #мотивация - @aikamyuniverse