@qisqasitv: 🛣 Urganch va Xiva orasida yangi pullik avtomobil yo‘li qurildi 🚘 Prezident Shavkat Mirziyoyev Urganch aeroporti va Xivani bog‘laydigan 35 kilometrlik yangi pullik magistral bilan tanishdi. To‘rt tasmali yo‘l orqali ikki shahar orasidagi qatnov vaqti 45–50 daqiqadan 15–17 daqiqagacha qisqaradi. 🏗 Loyiha doirasida 1 ta yerosti tunneli, 8 ta yo‘l o‘tkazgich, 15 ta ko‘prik qurilgan. Magistral sutkasiga 30 mingdan ortiq avtomobilni o‘tkaza oladi. 🤖 To‘lov va transport oqimi sun’iy intellektga asoslangan tizim orqali boshqariladi. Haydovchilar to‘lov qilish uchun to‘xtamaydi — pul elektron tarzda undiriladi. 🆓 Qonunchilikka ko‘ra, pullik yo‘ldan foydalanishni istamagan haydovchilar uchun muqobil bepul yo‘l ham mavjud bo‘lishi shart.