Haddii la i weydiiyo qofka aan jeclaan lahaa inaan nolosha la wadaago, adiga ayaan mar walba dooran lahaa. Ma aha doorasho aan cid iga qasabtay, mana aha jacayl ku yimid waqti yar; waa dareen qalbigayga si tartiib ah ugu xididaystay, ilaa aan noqday qof aan noloshiisa kaa maarmi karin.Adiga ma ahayn qof aan si kama’ ah u doortay, waxaad ahayd qof qalbigaygu doortay ka hor inta aan maskaxdaydu xitaa fahmin. Waxaan jeclahay joogitaankaaga, hadalkaaga, qosolkaaga iyo xitaa aamusnaantaada. Wax kasta oo adiga kugu saabsan waxay ii leeyihiin macne aanan si fudud erayo ugu cabbiri karin. Haddey noloshu mar kale ii bilaaban lahayd, oo la i siin lahaa fursad aan ku doorto qof aan qalbigayga siiyo, haddana adiga ayaan dooran lahaa. Haddii la ii sheego in jidka aan ku raacayo uu dhib badan yahay, haddana waan kuu soo mari lahaa, sababtoo ah qofka aan jeclahay awgiis dhibku wuxuu ii noqonayaa wax la dulqaadan karo. Mararka qaar waxaan ka baqaa in waqtigu ina kala fogeeyo, ama duruufuhu ay naga dhigaan laba qof oo midba meel joogo. Laakiin hal shay ayaan hubaa: masaafadu ma tirtiri karto qof qalbigaaga meel ka degay. Xitaa haddii aan kaa fogaado, xusuustaadu way ila noolaan doontaa. Waxaan rabaa inaad ogaato in doorashadaydu aysan ahayn mid maanta oo keliya ah. Waxaan rabaa inaan ku doorto maalmaha wanaagsan iyo maalmaha adag, marka aad faraxsan tahay iyo marka aad murugaysan tahay. Waxaan rabaa inaan noqdo qofka kula jooga marka dunidu kuu muuqato mid kaa soo horjeedda. Haddey doorasho xor ah jirto, adiga ayaan dooranayaa… maanta, berri iyo inta noloshaydu jirto. Waayo qalbigaygu adiga ayuu doortay, noloshaydana waxaan jeclaan lahaa in magacaaga qayb ka noqdo. 💔🥺❤️‍🩹#foryoupage #alone - @.maanka.17