أنا كنت بحاول معاك لأنو فيك حاجة خلتني اتمسك بيك خلتني أديك من وقتي وقلبي ما لأنو ما لقيت غيرك لكن لأنك كنت غالية على بطريقة ما قدرت أتجاهلها كنت مختلفة كنت الحاجة البتكسر رتابة يومي وبتخليني أحس إنو في سبب اتنازل فيه عن تعبي واتحمل عشانك لأنك ببساطة كنت تستاهلي وأنا ما تعبت معاك ساي تعبت لأنو حبيتك لأنو كنت شايف فيك قيمة ما لقيتها في زوله قبلك كنت بقدر كلامك واترفع مقام وجودك وبحس إنك نعمة حقيقية في حياتي لكن دا ما معناهو إنك تضمنى ولا تتعاملي معاي على مزاجك يوم طيبة ويوم باردة يوم فيه حنية ويوم تقلبات تخلى الزول يحس إنو ما معروف مكانو عندك ما معناهو إنك تتغيري فجاة وتخليني أستنى كلمة منك بالعافية عدد بعد ماكنتي إنتي الزولة البحس إنو دقيقة واحدة بدونك تقيلة عليك أنا ما لعبة تنشال وتتنسي ولا وجودي مربوط برغبتك اللحظية ولا بحالتك المزاجية عدد أنا بني آدم عندي إحساس وعندي كرامة وعندي قلب تعب من الصبر من غير مقابل ووجع من الانتظار البخلي الروح تحس إنها واقفة في نص الطريق ما قادرة تتقدم ولا ترجع ولو حسيت في يوم إنك ما بتقدريني ولا شايفة وجودي حاجة تستحق المحافظة عليها صدقيني ما حأقدر أواصل بنفس الطريقة وما حاضحي بروحي عشان زول ما شايف قيمتي لأنو الحب ما طلب ولا رجاء الحب مشاركة وإحساس ومسؤولية وما بيدوم لو طرف واحد بس هو البقاتل عشان يستمر ويمكن القسوة البتحسيها هسي في كلماتي ما هي إلا الحقيقة الاصطريت أقولها لأنو التعب البواسيني من جوة ما عاد يقدر اكتمه ويمكن كل البديت أحاول فيه كان لأنو عندي أمل فيك لكن الأمل ذاته بيموت لما الزول يحس إنو ما في زول ماسك معاه من الطرف الثاني . وأكثر لحظة موجعة هي اللحظة البتحس فيها إنك بقيت بتحارب عشان زول ما بقاتل معاك ولا حتى بيكترث إنك تنهزم لكن رغم دا كله بتمنى ليك الخير وبتمنى ليك حياة بتقدرك فيها يد من غير ما تطلبي وقلب يصونك قبل ما تحتاجي " لأنو أنا لو مشيت من حياتك بمشي بقلبي نضيف وما بخلي حاصل بينا يقلل من قدري ولا من قدرك. - @yogigx