زعل عبدالكريم الجربا على الثابت ( بسبب خلاف لا نود ذكره ) ورحلوا ونزلوا عند ابن مهيد في سوريا وبعده بفتره قصيره رحلوا الفداغه ونزلوا عند الثابت ويقولون الغفيله معا خلوي ابن عياش لحقوا سنجاره وصارت سنجاره بسوريا وعبدالكريم بالعراق وبعده بكم يوم سيروا شعار من شمر على عبدالكريم وهم مليحان التريباني وردهان ابن عنقا الغفيلي ، وقالت ام الجربأ يابن عنقا ليه ما تتكلم على رحيل سنجاره ورد عليه ابن عنقا وقال مالي حجة عند ولدك حتا اني اتكلم فقالت انا اسوي لك حجة وأمرت العبيد فكو رواق البيت وكان عبدالكريم نايم بالبيت وقعد من الهواء وامر العبيد يرجعون رواق البيت بس امه رفضة ومنعت العبيد والتفت له ولده عبدالكريم وقالت له انهدم بيتك رواقك وعزك هلي نحروا ديار السبعه والفدعان ولا هذولن خيوط مايفكن احد من احد ( عشمة من اطلقت على الثابت لقب رواق شمر ) وكان ابن عنقا عنده ويستمع وقال لام عبدالكريم اتكلم قالت ايه واستأذن من عبدالكريم وقال الرخصة يامحفوظ قال عبدالكريم وش تبي تقول يابن عنقا فرد عليه بقصيده وقال : يا راكبين مؤميات السفايف حمر وهن من حدر یكسن لهن خام ومحيلات عقب ماهن عسایف رمن عظام الربع عام باثر عام يدن كلام من دماغي طرايف من راس عود صايبه غش وهيام يَلْفَن ليا عبد الكريم ابو نايف يا عل عمره دايم دب الايام يا شيخ يا اللي للمحزم خلايف یا شبه زملوق الثريا ليا زام يا لولب الحكام وافي الكلايف لولا عليك من المثاليم مثلام اصغت راسك يم راعي غرايف لا قاعد عزك بصدره ولا قام حطاط القيح بالقلوب النظايف عجل على نقل المثالیت میلام الزمل غرب منكم اليوم خايف وش علمكم يا مدلهة كل مرزام ثلاث جموع عايزات الوصايف متنحرات دار جدعان و دهام عسكركم اللي ما يريد العلايف حق لكم من دور فارس وزقام قطعانهم ينحن مغيرٍ وحايف والجمع الأول يزهمونة الى زام امكن تراها ما تثيب الحسايف شي يفوت البارحة كنه العام من قبل كسر ما تضبه سنايف کسر ضرير ولا يواليه حزام وكان جنب ابن عنقا الشاعر مليحان التريباني وقاله ابن عنقا عندك اياوه تريني خلخلتوه وقال التريباني الرخصة يامحفوظ فرد عبدالكريم وش تبي تقول فقال قصيدة : راكب اللي فوقها تقل مرجوم ملحا سبيب الذيل كاسي كعوبه تلفي لبيتٍ نابي القطب مزموم وفرشات زل للدول فر شوا به لعبدالكريم اللي له الراي مفهوم عبدالكريم اللي لربعه جلوبه البارحه ياشيخ انا بت بهموم من علة باقي العرب ما دروا به أمشي بوسط نزولكم تقل منجوم تضرب بي الدنيا على غير هبوبه يامحارب العمان يامصافي القوم ياشيخ حورانيتك وش ذنوبه اذخر هل الجدعا الى جاك مزحوم يا جنبت خطو الجهامة دروبه يخلون عين المانعي تقبل النوم يا فتقت بقعا عليكم جيوبه فقال عبدالكريم هدو للبيت ورحل ورا الثابت والفداغه ونزل عندهم ومارجع لين رجعوا معه سنجاره سبب البيتين الاخيره ويقصد المانعي يقبل النوم هو عبدالكريم الجربا يقدر ينام والثابت بدياره لان عرف الثابت مايهربون عن وجه نذر او كون لذلك يذكره الشاعر التريباني أهمية وجود الثابت عنده #شمر #سنجاره #الثابت #fyp #اكسبلور - @nj555m