Tha art of leaving 💫! فن الرحيل مش إنك تعرف تمشي وقت ما تتعب فن الرحيل الحقيقي إنك تعرف تمشي من المكان اللي كنت تتمنى تقضي فيه عمرك من غير ما تكره ومن غير ما تحاول تنتقم ومن غير ما تفضل مستني حاجة تغيّرت من زمان. إنك تفهم إن بعض النهايات مش معناها إن اللي عشناه كان كذبة وإن بعض الأشخاص كانوا فعلًا جزء جميل من حياتنا بس مش بالضرورة يكونوا جزء من نهايتها. والتخطي مش إنك تصحى يوم وتلاقي قلبك ما عاد يوجعك ولا إنك تمسح الذكريات كأنها ما كانت. التخطي الحقيقي إنك تفتكر كل شيء وتفضل قادر تكمل إنك تمرّ على الأماكن اللي كانت بتشبهكم وما تعود تدور عليه بين التفاصيل إنك تسمع الأغاني اللي كانت بتحكي عنكم وما تحس إنك رجعت لنقطة الصفر إنك تشتاق أحيانًا بس ما تفسّر الاشتياق على إنه سبب كافي للرجوع. يمكن أصعب حاجة في الرحيل إنك ما بترحلش مرة واحدة! بترحل على مراحل كل يوم بتسيب جزء من تعلقك جزء من انتظارك جزء من الأسئلة اللي ما أخدتش إجاباتها، لحد ما ييجي اليوم اللي تفهم فيه إنك مش محتاج تعرف ليه حصل كل ده عشان تقدر تكمل بعض الأبواب لازم تتقفل من غير ما نعرف شو كان ممكن يكون وراها. وفي النهاية التخطي مش انتصار على شخص ولا دليل إنك بطلت تحب هو انتصارك على النسخة منك اللي كانت مستعدة تفضل واقفة عند نفس الباب إلى الأبد. هو اللحظة اللي تختار فيها سلامك بدل الانتظار نفسك بدل التعلق والمستقبل بدل حياة كاملة عايشها في سؤال: "ماذا لو؟" فن الرحيل إنك تمشي وقلبك لسه فيه كلام كتير بس تعرف إن مش كل الكلام لازم يتقال ومش كل اللي بنحبهم لازم نكمل معاهم الطريق. أحيانًا أعظم حب للنفس إنك تترك وأصدق شكل من أشكال التعافي إنك تكمل من غير ما تحتاج تكره اللي تركته خلفك. . #tamerhosny #تامر_حسني #قال_فاكرني #مش_هتكرر #تخطي - @tamerhug