@chawamata_tv: VIDEO: Chama cha Wamiliki wa Malori Tanzania (TATOA) kimetishia kuagiza malori kupaki nchi nzima iwapo agizo la Mkuu wa Mkoa wa Dar es Salaam, Albert Chalamila, la kuyazuia malori kuegesha barabarani litaendelea kutekelezwa bila kuwepo maeneo mbadala ya maegesho. Akizungumza Agosti 18, Mwenyekiti wa TATOA, Elias Lukumay, amesema chama hicho hakipingi hatua za Serikali katika kupunguza msongamano wa magari jijini Dar es Salaam, lakini kinataka mamlaka zitafute suluhisho la kudumu kwa kuwaondolea wamiliki wa malori mzigo wa kutafuta maeneo ya kuegesha magari yao. Lukumay amesema malori ni sehemu muhimu ya uchumi wa taifa, hasa katika kusafirisha mizigo kutoka Bandari ya Dar es Salaam kwenda mikoa mbalimbali na nchi jirani, hivyo kuzuia malori kufanya kazi bila kuwepo kwa miundombinu ya kutosha kunaweza kuathiri mnyororo mzima wa usafirishaji. Amesema changamoto kubwa inayowakabili wasafirishaji ni upungufu wa miundombinu, akieleza kuwa lori linaweza kutumia kati ya saa nane hadi 10 kutoka Bandari ya Dar es Salaam hadi Kona ya Ubungo kutokana na msongamano wa magari. Mwenyekiti huyo amesema TATOA imekuwa ikishirikiana na Serikali katika kutatua changamoto za sekta ya usafirishaji, lakini imesikitishwa na hatua za kukamata malori, kuwavamia madereva na kung’oa namba za usajili, akisema njia hiyo haiwezi kuwa suluhisho la tatizo la miundombinu. Amesisitiza kuwa wamiliki wa malori wako tayari kuyapaki katika maeneo maalumu iwapo Serikali itawapatia maeneo mbadala yenye miundombinu inayofaa kwa ajili ya maegesho. Lukumay ameitaka Serikali kukaa mezani na TATOA pamoja na wadau wengine wa sekta ya usafirishaji ili kujadili changamoto hizo na kufikia suluhisho la pamoja, akionya kuwa endapo mazungumzo hayatapewa nafasi na agizo la kuyazuia malori kuegesha litaendelea bila kuwepo kwa maeneo mbadala, TATOA inaweza kuagiza malori kupaki nchi nzima. #ChawamataTV #10KFollowers #Asanteni #DarEsSalaam #Tanzania #Bongo #Habari #HabariLeo #BreakingNewsTZ #TanzaniaNews #BongoUpdates #TzUpdates #TzNews #BongoMedia #MediaTanzania #OnlineTV #TrendingTZ #tanzaniatrending#tanzaniatrending #tanzaniatrendingstory #TanzaniaTre #madeintanzania🇹🇿 #madeintanzan #madeintanzania #SupportLocal #madeintanzaniat #roadto100followersontwitch #madeintanzaniawith #viraltz

CHAWAMATA TV

Open In TikTok:

Region: TZ

Wednesday 19 August 2026 04:17:31 GMT