@adeel057:ان، چمتار میں چند دن قبل ہونے والی معمولی تکرار پر ملزمان کی فائرنگ اور تشدد کے نتیجے میں 17 سالہ نوجوان جاں بحق جبکہ اس کا دوست شدید زخمی ہو گیا۔ پولیس نے مقتول کے بھائی کی مدعیت میں دو نامزد ملزمان کے خلاف قتل اور اقدامِ قتل کا مقدمہ درج کر کے قانونی کارروائی شروع کر دی ہے۔ تفصیلات کے مطابق مدعی عمران ولد اکرم خان ساکن چمتار نے اپنے بھائی 17 سالہ حماد خان کی نعش اور زخمی حیدر خان کو ریسکیو 1122 کی مدد سے ڈی ایچ کیو ہسپتال مردان منتقل کیا اور پولیس کو رپورٹ درج کرائی۔ مدعی نے پولیس کو دیے گئے بیان میں بتایا کہ وہ اپنے بھائی مقتول حماد خان اور دوست حیدر خان ولد حاسب خان کے ساتھ بلمقابل حجرہ میاں مہران شاہ موجود تھا کہ اس دوران جلال کلے، کے رہائشی دو ملزمان مشعال ولد آمین اور طلحہ ولد خیر محمد موٹر سائیکل پر وہاں پہنچے۔ موٹر سائیکل طلحہ چلا رہا تھا۔ دونوں ملزمان نے موٹر سائیکل سے اترتے ہی ان کے ساتھ ہاتھا پائی شروع کر دی۔ رپورٹ کے مطابق ہاتھا پائی کے دوران طلحہ نے آہنی مکے (پنچ) سے حیدر کے سر پر متعدد وار کیے جس سے وہ خون میں نہا کر شدید زخمی ہو گیا۔ اسی اثنا میں دوسرے ملزم مشعال نے شلوار کے نیفے سے پستول نکال کر جان سے مارنے کی نیت سے سیدھی فائرنگ کر دی، جس کے نتیجے میں حماد خان گولی لگنے سے موقع پر ہی دم توڑ گیا، جبکہ مدعی اور زخمی حیدر فائرنگ سے معجزانہ طور پر بال بال بچ گئے۔ واقعے کی وجہِ عناد بیان کرتے ہوئے مدعی نے بتایا کہ 5 سے 6 روز قبل ملزمان کی مقتول حماد خان کے ساتھ وقتی تکرار ہوئی تھی، جس کے رنج میں ملزمان نے یہ ناخوشگوار قدم اٹھایا۔ مدعی کے مطابق جائے وقوعہ پر موجود (بجلی کی روشنی) میں ملزمان کو واضح طور پر پہچانا گیا، جو واردات کے بعد موٹر سائیکل پر موقع سے فرار ہونے میں کامیاب ہو گئے#police #pakistan #creatorsearchinsights #mardan - @adeel057