အသက်အရွယ်လေး ရလာပြီဆိုရင် တစ်ဦး တစ်ယောက် အတွက် အချိန်တိုင်း လွမ်းဆွတ် တမ်းတနေရမယ့် အရွယ် မဟုတ်တော့ဘူး ။ ပြန်မရနိုင်တော့တဲ့အရာတွေ တမ်းတရင်း ဝမ်းနည်းနေရမယ့် အရွယ်မဟုတ်တော့ဘူး ။ တစ်စုံတစ်ယောက်ကို နာကျည်းပြီးမုန်းတီးနေရမယ့် အရွယ် မဟုတ်တော့ဘူး ။ အရွယ်လေး ရလာတော့ တွေးတွေးဆဆနဲ့ပေါ့ ချစ်တာတွေ မုန်းတာတွေ ဘေးဖယ်၊အလိုက်သင့်နေရမယ့် အရွယ် ဖြစ်နေပြီ ။ အဆင်ပြေတာ မပြေတာ အပထား ရင်ဘတ်ကြီးနဲ့ လိုက်မခံစားဘဲ ဘ၀ကို ပေါ့ပေါ့ ပါးပါး ဖြတ်သန်းရမယ့် အရွယ် . . . ဒီလူက ကိုယ့်ကို မချစ်ဘူး မခင်တွယ်ဘူးမဟုတ်လား ထားခဲ့လိုက်တော့ ။ ဒီလူက ကိုယ့်ကို သံယောဇဉ်မရှိဘူး မဟုတ်လား သူ့အတွက် အချိန်တွေ အကုန်ခံမနေပါနဲ့ ။ ကိုယ့်အပေါ်မှာ နားမလည်နိုင်တဲ့လူ ကိုယ်ချင်းစာ မပေးနိုင်တဲ့လူ မခင်တွယ်နိုင်တဲ့သူ မကြင်နာနိုင်တဲ့သူ သတိမရတဲ့သူ သူ့အကြောင်းတွေ မတွေးနဲ့တော့ လွှတ်ချထားခဲ့လိုက်ပါ ။ ဘာလို့လဲ သိလား အချိန်တွေ သိပ်မရှိတော့ဘူး အရွယ်တွေ ရလာပြီ ကုသိုလ်တွေ လုပ်ရဦးမယ်လေ.......။ အရည်မရ အဖတ်မရနဲ့ အလကားနေရင်း တခြားလူကို တဖက်သတ်တွေ လိုက်ပြီး အမုန်းပွားနေရသေးရင် အရွယ်မြန်မြန်ကျတာပဲ အဖတ်တင်မယ်.... အကုသိုလ်တွေဖြစ်မယ်.....။ ဒီ အသက်အရွယ်ထိ အသိ သတိမရှိဘူးဆိုရင် နောင်တတွေရစရာ ဖြစ်နေလေဦးမယ်။ ဘာလို့လဲဆိုတော့ အသက် ၈၀ ကျော်ထိ ဒါတောင်ကျန်းမာနေမှပါ.... အသက်ရှည်ပြီး ကုတင်ပေါ် လဲနေရသူတွေက အများသား။ ကိုယ်ကို ချစ်တဲ့သူ မုန်းတဲ့သူ လိုလားတဲ့သူ မလိုလားတဲ့ သူတွေဆိုတာသူ့သဘာဝနဲ့ သူ ရှိနေကြတာပါ...... အထီးကျန်နေတဲ့အခါ ချစ်တဲ့သူတွေ ခင်တဲ့သူတွေ ပျောက်သွားရင်တော့ လိုက်မရှာနဲ့တော့ ။ ဒီအရွယ်က အချစ်ပျောက်ကို လိုက်ရှာရမယ့်အရွယ် မဟုတ်တော့ဘူး အထီးကျန်တိုင်း အဖော်မက်ရမယ့် အရွယ် မဟုတ်တော့ဘူး ။ အရွယ် မကျအောင် စိတ်ဓာတ် မကျအောင် စိတ်ပျော်ရွှင်မှုနဲ့ စိတ်ချမ်းသာမှုနဲ့ ထိန်းရမယ့် အရွယ်။ ကုသိုလ်ကောင်းမှုတွေ လုပ်ရင်း ငြိမ်းချမ်းရမယ့် အရွယ် ဖြစ်နေပြီလေ ..... ငယ်ငယ်တုန်းကလို ငယ်ဂုဏ်နဲ့ပစ်စလက်ခတ် နေလို့ မရတော့ဘူး ။ လှလှပပ သပ်သပ်ရပ်ရပ်နဲ့ ကျော့ကျော့ ရှင်းရှင်း ၀တ်စားဆင်ယင်မှ အမြင်တင့်တယ်တဲ့ အရွယ် ။ ရောက်လာတဲ့ အကြောင်းတရားတွေကို အကောင်းမြင်စိတ်နဲ့ ကြိုဆိုရမယ့် အရွယ်လေ ခံစားချက်တွေ ဘေးဖယ် ပျော်အောင်နေတတ်ရမယ့် အရွယ် ။ ကိုယ့်အပေါ် ချစ်သော ခင်သောသူများနဲ့ဘ၀ကို ပျော်ရွှင်စွာဖြတ်သန်းနိုင်မှ စိတ်ကျန်းမာမယ့် အရွယ် စိတ်ကျန်းမာရေးကို ဂရုစိုက်ရမယ့် အရွယ် ။ ဖြတ်သန်းရတဲ့ဘ၀က ကြမ်းရတဲ့အထဲလုပ်ကိုင် ရှာဖွေ စားဝတ်နေရေး ခက်ခဲရတဲ့အထဲ ၊ အဆင်မပြေရတဲ့ကြားထဲ ကိုယ့်အပေါ် မချစ်မနှစ်သက်တဲ့ သူတွေအကြောင်းရင်ဘက်ထဲ သိမ်းထားပြီး ခေါင်းထဲ ပြန်ထည့်သွားလေရာ သယ်ဆောင်သွားရမယ့် အရွယ်မဟုတ်တော့ဘူး ။ အသက်တွေ ကြီးလာပြီမို့ အချိန်တွေ မဖြုန်းနဲ့တော့ ငိုဖို့ထက်ရယ်နိုင်အောင်ကြိုးစား ။ အချိန်တွေကငယ်ရွယ်သူတွေလို မပိုလျှံတော့ဘူးမို့သက်တမ်းအရ ကိုယ်က အရင်သွားကြရမှာမို့ တစ်ပါးသူကို ချစ်ဖို့ထက် ကိုယ့်ကိုယ်ကို ချစ်ရမယ့် အရွယ်ပါလို့ပြောပြချင်တာပါ ။ ကိုယ်အရွယ်က ရှေ့သို့ တရွေ့ရွေ့ သွားနေဆဲ ။ Credit to org writer Copy by #kyawhtin #foryou💖 - @ko.ko.lay4868