@tatek.media27: ነገሩ እንዲህ ነው፤ እህታችን ተሚማ እተፋ ትባላለች። በሳዑዲ ዓረቢያ ለአሥር ዓመታት ያህል በማዳም ቤት በሞግዚትነት ሥራ ላይ ተሰማርታ ስታገለግል የኖረችው በፍቅርና በታላቅ መከባበር ነበር። የቤተሰቡ አባላት ሁለት መንትያ ልጆች ነበሯቸው፤ ልጆቹም የኦቲዝም (Autism) ሁኔታ ይገኝባቸው ነበር። እህታችን ተሚማ እነዚህን ህፃናት ለ10 ዓመታት ያህል ልዩ በሆነ የእናትነት ፍቅርና እንክብካቤ ስታሳድጋቸው ቆየች። ጊዜው ደርሶ የገዛ ሀገሯ ተመልሳ ኑሮዋን ለመቀጠል ወደ ኢትዮጵያ ስትመለስ፣ ፍቅራቸው ግን በሐገር ርቀት አልተገደበም። ስልክ ይደዋወሉ ነበር፤ ነገር ግን የስልክ ድምፅ ብቻ የህፃናቱን ናፍቆት ሊወጣው አልቻለም። የልጆቹ ወላጆች «ተሚማ እኛም ናፈቅሽን፤ ልጆቻችንም ቀን ከሌሊት እያለቀሱ 'እናት እናታችን ናፈቀችን' እያሉ አስቸገሩን» በማለት በፍቅር ታስረው ወደ ኢትዮጵያ ለመምጣት ወሰኑ። እናም ከሁለት ሳምንት በፊት ህፃናቱን አስከተው ለመጀመሪያ ጊዜ ወደ ኢትዮጵያ መጡ። እሷም በክብራቸው ልክ በፍቅርና በደስታ ተቀበለቻቸው። እነሱም ቀን ቀን ተሚማ ቤት እየወጡና ከእሷ ጋር ከተማዋን እየጎበኙ፣ ማታ ማታ ደግሞ ወደ ማደሪያ ሆቴላቸው እየተመለሱ ለአንድ ሳምንት ያህል በፍቅር አብረው አሳለፉ። በመጨረሻም የናፍቆት እራባቸውን ተወጥተው ወደ ሀገራቸው ተመለሱ። ይህን ልብ የሚነካ እውነተኛ ታሪክ ያነሳሁበት ምክንያት፣ ሰሞኑን የሀገራችን ስም በሳዑዲ ዓረቢያ ወንድሞቻችን ዘንድ በመጥፎ እየተነሳ ባለበት ወቅት፣ የእውነትና የእውነተኛ ፍቅር መገለጫ የሆነውን የኢትዮጵያውያንን ደግነትና መልካም ስብዕና ለማስታወስ ነው። Via Mame Yasin 🙏🙏🙏

ታጠቅ Media ✅

Open In TikTok:

Region: GR

Wednesday 19 August 2026 06:35:51 GMT