@guuhhu368: Replying to @sa.kt08k (ရေးပြနေစရာမလိုလောက်အောင်ကို သိထားကြပြီးသားဖြစ်လိမ့်မယ်ဆိုပေမယ့် လိုလိုမယ်မယ်ထပ်ရေးပြပါရစေ) (အထူးသဖြင့်ကတော့ မြေပြင်ကရဲဘော်တွေအတွက်ပါ) "တစ်တက်စားလည်းကြက်သွန် နှစ်တက်စားလည်းကြက်သွန်"ဆိုသလို ဒီထက်လည်းပိုပြီး နာမည်ပျက်စရာမရှိတော့တဲ့စစ်တပ်ကြီးနဲ့အပြိုင်လိုက်ပြီး မတုပကြစေချင်ပါဘူး။ ကာယကံရှင်အတွက်ကို ယူကြုံးမရဒေါသထွက်ရပေမယ့် (လက်နက်ကိုင်တော်လှန်ရေးကြီးအစမှာ)တစ်ဖက်ကဆွပေးခဲ့တာကို ထိုပုံစံအတိုင်းတုန့်ပြန်ခဲ့ကြဖူးတာကြောင့် တော်လှန်ရေးကြီးမှာ အမဲစက်တွေစွန်းထင်သွားခဲ့ရဖူးတာကိုလည်း သတိရပေးကြစေချင်ပါတယ်။ ဒီလုပ်ရပ်ဟာ ဦးနှောက်မရှိတဲ့သူတွေအတွက်တော့ဂုဏ်ယူဝံ့ကြွားစရာကောင်းချင်လည်း/ကောင်းနိုင်နေပေမယ့် ဒီလိုမျိုးလုပ်ရပ်တွေကြောင့်ပဲ ၎င်းတို့ရဲ့အဖွဲ့အစည်းကြီးတစ်ခုလုံး ပျက်စီးသွားစေနိုင်လိမ့်မယ်ဆိုတာကိုတော့စဉ်းစားမိကြပုံမရသလို ဒီလိုလုပ်ပြနေလို့လည်း တော်လှန်ပြည်သူတွေအားလုံးကကြောက်ရွံ့ပြီးနောက်ဆုတ်သွားကြမှာမဟုတ်တဲ့အတွက် ရူးနှမ်းလွန်းတဲ့လုပ်ရပ်လို့သာ သတ်မှတ်ရပါလိမ့်မယ်။ ကုန်ကုန်ပြောရမယ်ဆိုရင် ဒီလိုမျိုးလုပ်ရပ်တွေကို စာရေးသူတို့အညာဒေသကအမျိုးသမီးတွေတောင်(နာကျည်းစိတ်တွေကြောင့်)အလွယ်တကူလုပ်နိုင်ကြပါသေးတယ်။ ဒါက သတ္တိမဟုတ်ပါဘူး။ စဉ်းစားဆင်ခြင်ဉာဏ်ကင်းမဲ့လွန်းလှတဲ့ လုပ်ရပ်သက်သက်ပါပဲ။ မယုံမရှိလိုက်ကြပါနဲ့။ ဒီမျက်နှာ၊ဒီမျက်ခွက်နဲ့လည်း တစ်သက်လုံးလူတောတိုးနိုင်တော့မှာမဟုတ်တော့သလို ဒီအဖွဲ့အစည်းကပဲ ကျဉ်းထဲကျပ်ထဲကိုရောက်လာတဲ့အခါမျိုးမှာ သူတို့ရဲ့ပုံရိပ်ကိုပြန်ထိန်းချင်တာမျိုးအပါအဝင် (အခြားအကြောင်းအရာအမျိုးမျိုးကြောင့်ဖြစ်စေ) အစဖျောက်လိုက်တာမျိုးလည်း ခံရနိုင်ခြေရှိပြီး ကိုယ့်အချင်းချင်းကြားမှာတောင်အယုံအကြည်ကင်းမဲ့လာတာမျိုးတွေနဲ့ ဆိုးဆိုးရွားရွားကိုဇာတ်သိမ်းကြရဦးမှာကလည်း အသေအချာပါပဲ။ ဒီလိုမျိုးလုပ်ရပ်တွေကိုနာကျည်းဒေါသထွက်ကြတယ်ဆိုရင် တော်လှန်ရေးကြီးအောင်မြင်ဖို့အတွက်ကို အခုထက်ပိုအားစိုက်ပြီး ကူပေး/လှုပေးကြရပါလိမ့်မယ်။ ဒီလိုလူမျိုးတွေဆိုတာက တော်လှန်ရေးကြီးကရှင်းထုတ်ပေးသွားမယ့် အမှိုက်သရိုက်လေးတွေလောက်သာရှိလို့ တော်လှန်ရေးကြီးအောင်မြင်ဖို့ကသာ အရေးအကြီးဆုံးပဲမဟုတ်ပါလား.? လက်ရှိလိုမျိုး SCEFထွက်ပေါ်လာခဲ့ပြီး စစ်ရေးရော၊သံတမန်ရေးမှာပါအရှိန်အဟုန်ကောင်းကောင်းနဲ့ ချီတက်လာခဲ့ကြချိန်မှာ တော်လှန်ရေးကြီးရဲ့ပုံရိပ်တွေကို ပိုမိုပြီးဂရုစိုက်ကြရမှာကလည်း အသေအချာပဲဖြစ်လို့ ဒေါသတွေကို အားအဖြစ်သာမွေးယူလိုက်ကြပါ။ စစ်တပ်ရဲ့လုပ်ရပ်တွေကို မကြိုက်လို့တော်လှန်နေခဲ့ကြပါတယ်ဆိုကာမှ စစ်တပ်လိုမျိုးယုတ်မာရက်စက်ပြနေလို့လည်းမရပါဘူး။ ပုံရိပ်ကောင်းတစ်ခုဟာ တည်ဆောက်ယူတဲ့နေရာမှာသာခက်ခဲလွန်းလှပြီး ဖျက်ဆီးပစ်ချင်တယ်ဆိုရင်တော့ အရမ်းကိုလွယ်ကူလွန်းလှပါတယ်။ တော်လှန်ရေးကြီးမအောင်မြင်သေးသ၍(သို့)အကြမ်းဖက်စစ်တပ်ကြီးပြုတ်ကျမသွားသေးသ၍ကတော့ ဒီလိုအဖြစ်မျိုးတွေကို အများကြီးမြင်ရ/ကြားကြရဦးမှာပဲဖြစ်သလို လုပ်ချင်ရာလုပ်ပြီး PDFတွေပါလို့လွှဲချခဲ့ကြတဲ့ကိစ္စရပ်တွေလည်း တစ်ပုံကြီးရှိခဲ့ကြပြီး လူမသိ၊သူမသိ ပျောက်ဆုံးသွားခဲ့ရသူတွေလည်းအများကြီးပါပဲ။ ဒီတော့ အကောင်းမွန်ဆုံးလက်တုန့်ပြန်မှု့ဟာ တော်လှန်ရေးကြီးအောင်မြင်ပြီးမြောက်ဖို့ပဲဖြစ်လို့ ဒီအတွက်ကိုပဲ တစိုက်မတ်မတ်အားစိုက်လိုက်ကြရအောင်ပါလေ။ ရာဇသံ(19.8.2026)#viralvideo #fpyyyyyyyyyyyyyyyyyyyyyy #fyppppppppppppppppppppppp #foryoupage #trending