@mimo_cuisine: بودينغ الخبز بالكراميل بدون فرن وصفة سهلة بمكونات بسيطة، والنتيجة بتشهي 😍 المكونات: للكراميل: * 220 غ سكر للخليط: * 250 غ توست بريوش (ممكن تستبدلوه بتوست أبيض عادي) * 500 مل حليب كامل الدسم (2 كوب) * 450 غ حليب محلى مكثف * 4 بيضات * 1 ملعقة كبيرة فانيلا * رشة ملح الطريقة: منكرمل السكر وأول ما ياخد لون حلو منصبه بالقالب. بالخلاط منحط التوست، الحليب، الحليب المحلى، البيض، الفانيلا ورشة الملح، ومنخلط لحتى يصير الخليط ناعم. منصب الخليط فوق الكراميل وبنغطي القالب بورق الألمنيوم. منحط القالب بطنجرة وبنصب مي سخنة لحد نص القالب تقريبًا، منسكرها ومنتركه على نار هادية حوالي ساعة، أو لحد ما يتماسك ويضل فيه هزة خفيفة. منتركه يبرد تمامًا، وبعدين بالثلاجة كم ساعة لحتى يتماسك منيح قبل القلب. وللي حابب يعمله بالفرن: ممكن تحطوا القالب بحمام مائي بفرن محمّى مسبقًا على 160° لحد ما يتماسك ويضل فيه هزة خفيفة بالنص #كريم_كراميل #caramel #cramel

Mimo_cuisine

Open In TikTok:

Region: KW

Wednesday 19 August 2026 08:56:31 GMT