@elladaeyvazova: Bəzi evlərdə tavana toxunmaq mümkün olmur. Tavana bir neçə fərqli yerdən asqı və ya digər elementlər yerləşdirildikdə isə hər biri öz ölçüsünə və formasına görə fərqlənə, nəticədə ümumi görüntünün estetikası pozula bilər. Məhz buna görə istədiyim estetik görüntünü əldə etmək üçün tavana pərdə asmaq üçün asqılardan istifadə etmək istəmədim. Düşündüm ki, tavana ümumiyyətlə toxunmadan, konstruktiv şəkildə xüsusi bir quruluş hazırlayım. Həm büdcəyə uyğun olsun, həm də öz əlimlə hazırlaya bilim və ön hissəsini pərdə ilə tam boy örtə bilim. Gördüyünüz bu konstruksiyanı da məhz beynimdə formalaşdığı şəkildə hazırladım. Bu prosesi həyata keçirərkən mənə sevdiyim Elmira xanım da dəstək oldu. Yanımda oldu, enerjisi ilə məni ruhlandırdı Həmçinin, biliklərimi daim artırdığı üçün ona dərin təşəkkürümü bildirirəm. Burada toxunmaq istədiyim əsas məqamlardan biri də konstruksiyanın hazırlanması zamanı yol verdiyimiz kəsim səhvidir. Kəsim zamanı bizə bəzi ölçülər tam düzgün verilmədi. Nəticədə ayaqlardan bəziləri digərlərindən bir qədər qısa oldu və bu da konstruksiyada müəyyən natamamlıq yaratdı. Amma deyərdim ki, bunun da eybini örtə bildik. Soruşsanız, necə? Qonşu köməyi ilə. ❤️ Yan evdə yaşayan qonşularımız xarici vətəndaşlardı. Təəssüf ki, bəzən qonşuluqda bu mehribanlığı qoruyub saxlaya bilmirik və çox vaxt acı, kobud reaksiyalarla qarşılaşırıq. Hətta öncə yaşayan yan evdə qonşularım da indiki qonşularım qədər mehriban deyildilər. İşimiz gecə saatlarında, təxminən 23:30-da yekunlaşdı. Qonşum gördü ki, əlimdə olan konstruksiya tam istədiyim kimi alınmayıb. Sağ olsun, öz ayaqqabısının bağını gətirib mənə verdi və konstruksiyanı sabitləməyimə kömək etdi. Beləcə, birlikdə yaratdığımız bu gözəlliyin nəticəsini artıq növbəti mərhələdə görəcəyik. ✨ Bəs siz belə bir konstruksiyanı özünüz hazırlayardınızmı? Və nəticədə nə gözləyirsiniz?

Эллада Эйвазова

Open In TikTok:

Region: AZ

Wednesday 19 August 2026 10:06:59 GMT