@hanad2476: Waayuhu waxay i bareen in khasaaruhu aanu mar walba ahayn dhammaad, balse uu yahay cashar qofka ka dhiga mid adkaysta. Wax badan ayaa iga tegay anigoo aan doonayn, dad aan jeclaa, rajooyin aan ku taamay, iyo waxyaabo aan moodayay inay weligood ila jiri doonaan. Maanta haddii wax iga lumo, qalbigaygu sidii hore uma naxo; waayo waxaan bartay in wax kasta oo dunidu ku siiso ay mar uun kaa maqnaan karaan. Waxaan bartay in qofku aanu ku tiirsanaan waxa uu haysto oo keliya, balse uu ku tiirsanaado samirka uu ku wajahayo waxa uu waayo. Haddii berri wax kale iga tagaan, lama yaabi doono, mana odhan doono noloshu way igu xumaatay. Waxaan odhan doonaa: “Waayuhu mar kale cashar bay i bareen.” Waxaan waayay wax badan, laakiin khasaarahaas dhexdiisa waxaan ka helay naftayda; waxaan bartay dulqaad, aamusnaan, iyo in qalbiga la adkeeyo marka noloshu wax kaa qaaddo. Sidaas darteed, waxa iga hadhay waan ilaalinayaa, waxa iga tagaana waan u samrayaa. Waayo qof hore wax badan u waayay, khasaaraha dambe cabsi uma aha; wuxuu u yahay qayb ka mid ah safarka nolosha.#qalinkii #hanad #next

Hanad🥈

Open In TikTok:

Region: SO

Wednesday 19 August 2026 12:19:06 GMT