@sarahelal537: 🍗 أرز الريزو KFC في البيت؟ 😍🔥 لو بتحبي رز الريزو بتاع كنتاكي، جربي تعمليه بالطريقة دي… بسيطة ومكوناتها موجودة، والنتيجة تحفة! 👌🏻🍚 الطريقة خطوة بخطوة 👇🏻 نحط 3 أكواب مية في حلة على النار، ولما المية تسخن نبدأ ننزل بالمكونات بالترتيب: 🧅 أولًا: البصلة المتقطعة ناعم. 🧄 ثانيًا: فصين الثوم المفروم. 🍗 ثالثًا: 9 مكعبات مرقة دجاج، وممكن تقللي الكمية حسب رغبتك. 🌶️ رابعًا: ربع كوب هوت صوص. 🥢 خامسًا: معلقتين كبار صويا صوص أو وورسترشاير صوص حسب المتوافر عندك. نقلب كل المكونات ونسيبها مع بعض لحد ما المية تغلي وتاخد كل النكهات الحلوة دي. 😋 🍚 وهنا بقى ننزل بـ3 أكواب أرز مصري مغسول كويس. نسيب الحلة مكشوفة لحد ما الرز يتشرب المية، وبعد كده نغطيها ونوطي النار جدًا ونسيب الرز حوالي ربع ساعة لحد ما يستوي تمامًا. بعد ما يستوي، نفتح الحلة ونسيبه يتهوى شوية عشان يفضل مفلفل وما يعجنش. 👌🏻 🍗 التقديم بقى على مزاجك! ممكن تقدميه سادة، أو تعمليه زي المطعم وتحطي فوقه قطع الستريبس المقرمشة. ولو بتحبيه سبايسي 🌶️، زودي شوية هوت صوص فوق الفراخ، أو لو بتحبي طعم الباربكيو، حطي باربكيو صوص. 😍 وبس كده… رز الريزو KFC في البيت وبطريقة سهلة جدًا! ❤️🍚🍗 جربيه وقوليلي: هتختاريه بالهوت صوص 🌶️ ولا بالباربكيو؟ 👇🏻وماتنسيش تدعميني بلايك 👍🏻 وفولو ✅ وكومنت حلو منك 😘 #رز_الريزو #رز_الريزو_KFC #KFC #وصفات_سهلة #وصفات_مطاعم

4997

There are no more comments for this video.

To see more videos from user @sarahelal537, please go to the Tikwm homepage.