@m23or: مرات الإنسان يربط شعوره الحالي بشي راح يصير بالمستقبل وكأنه ينتظر لحظة معينة حتى يبدأ يعيش الشعور اللي يريده وهذا الشي يصير لأننا بطبيعتنا نربط بعض الإنجازات بالمكافأة فنبدأ نتخيل أن تحقيق هذا الشي راح يغيّر حالتنا النفسية بالكامل بس المشكلة مو بالإنجاز نفسه المشكلة بالتوقعات اللي بنيناها حوله ممكن تظل فترة طويلة تنتظر لحظة معينة وتتخيل شكد راح تكون سعيد من توصل إلها… وبعدين توصل تفرح، ترتاح، ويمكن تحس بشعور جميل لفترة وبعدها ترجع حياتك طبيعية وهنا ممكن تسأل نفسك «بس… ليش ما تغير شي؟ ليش بعدني أحس نفس قبل؟» والجواب مو لأن الإنجاز ما كان مهم وإنما لأنك كنت متوقع منه يغيّر شعورك الداخلي بالكامل الإنجاز ممكن يغيّر ظروفك يفتحلك باب يحققلك هدف… لكنه مو بالضرورة يغيّر كل شي بداخلك ولهذا إذا ربطت سعادتك دائماً بلحظة مستقبلية ممكن كل ما توصل لشي عقلك ينتقل مباشرة للشي اللي بعده ويكلك «زين، وهسه شنو؟» إحنا مرات ما ننتظر الحدث نفسه ننتظر الشعور اللي متخيلين راح يجي وياه وبعدين ننصدم من نكتشف أن الشعور مو دائم لهذا مو معناها توقف طموحك أو ما تنتظر شي بالمستقبل وإنما لا تخلي حياتك كلها معلقة على لحظة معينة لأن ممكن توصل للمكان اللي كنت تنتظره… وتكتشف أن اللي كنت تدور عليه مو بالمكان وإنما بطريقة نظرتك للحياة وإنت بالطريق #وعي #تطوير_الذات #علم_النفس #الحياة #افكار

Murtada

Open In TikTok:

Region: IQ

Wednesday 19 August 2026 15:11:41 GMT