@ma_mam9: _ ونزل الدرج ويركض للسياره صاح " لقاء فتحيلي الباب " فتحتله باب السياره وخله اسراء وكال" لقاء كعدي وخلي راسها بحضنج وضغطي على مكان الجرح صعد السياره وشغلها واني وهبه واكفات مصدومات عاط بينه ماتصعدن شبيجننن البت خلص دمها هبه صعدت مع اسراء واني فتحلي باب الصدر وكال تعاي هنا لا كلجن يمها صعدت وشخط السياره وساق سريعع واني بعدني مصدومه من شفته كتله استاذ صدك صدك؟ بديت استوعب شصار وحاله اسراء صرخت ابجي درت وجهي باوعتلها اضرب بخدها " لا تعوفيني اسراء لا تعوفيني حبابه لاتعوفيني اسراء واعيط باسمها اريد اصحيها فرفحت عليها فتحي عيونج اسراء لا تغمضين خليت ايدي ع وريد ايدها ماكو نبض ضعيف او معدوم نهائياً.. وصلنه المستشفى اخذها استاذ علي واجو ذول الي ينقلون المريض بسديه بس استاذ علي منعهم وماقبل وبقه شايلها لحد ماوصل غرفه الطوارئ دكتور وكف وطلب من عدنه نروح نطلع برا وكفنه بالانتضار كعدت بالكاع اشهك وابجي واحس بالمها راسي احسه حينفجر من الوجع ومخنوكه خنك مااكدر اتنفس روحي راحت نفس ماكو بيه لقاء اجت يمي تمسح ع ضهري وتقرأ ايات واستاذ علي باوعلي بقله صبر وكال" شبيج بويه سبعه اسراء معليها شي "باوعتله مع انو حالته ماتقل عنه بس كادر يلزم نفسه واعصابه هبه تبجي ومكنبصه بالزاويه وضامه وجها وتبجي وتشهك تذكرت الولد كتله استاذ اخواني؟ كال" اني اتصل بيهم' عندي رقم والدج كتله لا استاذ بابا رجال جبير ويصعد ضغطه ومايتحمل يجي وحده ويندعم انطيني اني اتصل على اخوي كرار حافظه رقمه، اخذت وسجلت الرقم واخربط وارجع اكتبه سجلته واتصلت فتح خط واجاني صوته كال منو؟ عجزت احجي انطيته لقاء اخذته وكالتله وسدته تقريبن عشر دقائق واجا يركض هوا وكروم حالتهم حاله وعيونهم صاير قطعه حمار لزمهم استاذ علي يهدي بيهم وكوه مصيطر ع روحه.. شويه طلع الدكتور طفرنه عليه كال" الحمدلله على سلامه مريضتكم" كرار كاله' شلون صارت وين ضربتها؟ كاله براسها واكو ضربه هم جديده براسها كاله اي قبل فتره وكعت ونضربت باوعله الدكتور وكال" مسكينه الحلوه" كرار خزره وباوعله باستغراب شني يتغزل؟ واستاذ علي كور ايده وفتحها وطبطب ع ضهر الدكتور وكاله" مشكور حبيبي نريد دكتوره كاله لا اني موجود مايحتاج وعلي خزىه كاله" لا حبيبي نريد دكتوره انتَ مشكور.. راح الدكتور وبقو علي وكرار يم الباب شويه واجا الدكتور كال تكدرون تشوفوها وساعتين وطلعوها زينه الحمدلله وضعها تمام بس فقدت لان انهيار عصبي عدها وتوتر وفقر دم اذا اكو احد من زمرتها يجي يتبرع الها باسرع وقت فـ رحنا اني وكروم تبرعنالها وانطوها دم صارت ساعه بـ3 العصر كرار تشكر من علي وكاله روح ارتاح بس علي ماقبل الا من تطلع اسراء.. طلعنه اسراء دايخه وعلي كولش محترم ومخلي مسافه بينه كرار باوعله بنضرا اعجاب واسراء كالت استاذ انتَ جبتني؟... يتبع

مــَـــلك🍒

Open In TikTok:

Region: IQ

Wednesday 19 August 2026 16:08:09 GMT