@mix.poitry: نظم انسانانو ليوني کړم شيطانانو ليوني کړم د پريانو سره ژوند دے دې مليانو ليوني کړم په مذہب کښې مذہبونه په مسلک کښې مسلکونه په جومات کښې جلوسونه په ممبر باندې جنگونه د چا تور پګړې په سر دے د چا سپين پګړې په سر دے څوک سرتور سرونه ګرځي د چا شين پګړې په سر دے په سندره مې کافر کړي په خبره مې کافر کړي چې د سوال جواب رانکړي زر تر زړه مې کافر کړي دې بس دۀ ته کافر وا ئي او دې دۀ ته کافر وا ئي زړۀ وئ ذهن دي کافر دے ذهن زړۀ ته کافر وا ئي چې په دۀ پسې پسې شم که په دۀ پسې پسې شم چې د ذهن لاره واخلم که په زړۀ پسې پسې شم دې وې دا عمل سنت دے دې وې نه منافقت دے دې وې دې پل ه دوزخ دے دې وې دې پل ه جنت دے د يوې نه پاتې کېږو د پيسې نه پاتې کېږو مونږ په دې جهان هم ډوب يو د هغې نه پاتې کېږو نور د هر څۀ نه باغي يم که هر څو جهنمي يم تۀ مبخوار زه دې ساقي يم زه دانا چې فلسفي يم زه د ہر چا نه کمزورے نه سپوږمې يم او نه ستورے چې کيني راته څوک هم نه يم د داسې وني سيورے اذانونـه مـو يـو نه دي اخترونـه مـو يـو نه دي کـه پـه يـوسف کښي ولار يو خـو نـيـتـونـه مـو يـو نه دي د روژې مسلمانان يو د جمعې مسلمانان يو په توبو مې دي توبه وي بې مزې مسلمانان يو د جومات د دروازې نه تر حجرې مسلمانان يو امانت کښي خيانت کړو بې وعدې مسلمانان يو په والله ليوني کېږم په رښتيا ليوني کېږم جوړې بيا مې مازغۀ ټګي جوړې بيا ليوني کېږم په نامه لاسونه ږدم که په زړه لاسونه ږدم چې آمين په زوره اويم که په خله لاسونه ږدم په يوه دي پوهه نه کړو په قصه دي پوهه نه کړو ملا جانه ليوني شې په تهه دي پوهه نه کړو زه د چا نه نفرت نه کوم د دنيا نه نفرت نه کوم په انسان مې زړه خوږېږي د انسانه نفرت نه کوم دا مې ټول د سر ګلونه د مُلا نه نفرت نه کوم خو بس دا قصه را ته یوه کړه عقیده را ته یوه کړه په قرآن لاسونه کېږده کلمه را ته یوه کړه څوک به د ځان څوک به په ځان شي څوک به په یو دوه کښې حیران شي اے خانده مه زړه به مې وران شي خانان به بیا سره خانان شي پکښې به توي شي د رامبل چامبل ګلونه#munirbuneripoetry #viral #fyp