@mohamedta0wfek: لو الشهادة مش موثقة، أو بيان الدرجات مش موجود… هل كده مينفعش نعمل المعادلة؟ الإجابة: لا، ممكن نعمل المعادلة برضه. خليني أوضحلك الموضوع ببساطة. الأوراق المطلوبة للمعادلة هي الشهادة الجامعية موثقة من الخارجية المصرية، وبيان الدرجات، وصورة جواز السفر، بالإضافة للإيميل ورقم التليفون. طيب لو الشهادة مش موثقة أو بيان الدرجات مش موجود؟ مش معنى كده إن المعادلة مش هتتعمل، ممكن نبدأ الإجراءات برضه، ونستكمل المستندات المطلوبة حسب الحالة. لكن خد بالك من نقطة مهمة جدًا: توثيق الشهادة هتحتاجه بعد كده في تصريح العمل. يعني لو أنت لسه في مصر ومش موثق الشهادة، ممكن تأجل خطوة التوثيق لوقت السفر للإمارات، حسب حالتك ومتطلبات تصريح العمل. لكن في مستند مهم جدًا لازم تخلصه من مصر، وهو الفيش والتشبيه. الفيش والتشبيه لازم يكون موثق من الخارجية المصرية، وكمان من السفارة الإماراتية في القاهرة. فمتخلطش بين توثيق الشهادة وتوثيق الفيش، لأن كل واحد له إجراء مختلف. الخلاصة: مش كل ورقة ناقصة معناها إن المعادلة هتقف، لكن لازم تعرف إيه اللي ممكن يتأجل وإيه اللي لازم تخلصه من مصر قبل السفر. #معادلة #الشهادة #اقامة #دبي #المصريين

TᗩᗯᖴIK

Open In TikTok:

Region: EG

Wednesday 19 August 2026 18:00:39 GMT