🟡 عندما تكون الأم سببًا في انهيار الأسرة دون أن تدري.. تكره زوجها.. فيتحول البيت إلى ساحة حرب باردة، لا تُرى فيها الدماء لكن تُسمع فيها أنين القلوب.. 🟡 يتعاطف الأبناء مع الأم دون وعي.. يرون دموعها.. يرون حزنها، فتزرع فيهم الكراهية بدل الحب، والعداوة بدل الأمان.. 🟡 يتعلم الأبناء كيف يغلقون أبوابهم، لا على خصوصيتهم.. بل على أرواحهم المنكسرة.. وتنسى الأم أن أول ضحايا خصامها مع زوجها.. هم أولادها.. ⛔ أختي الكريمة: لو عايزة تطلعي أبناء أسوياء.. حبي أباهم، احترميه.. خليهم ينظرون إليه إنه رجل عظيم بجد.. 🔴 كتير بتكون الأم هي العمود الفقري للبيت.. بس ساعات العمود ده بيتهز من جوّاه، وبيوقع السقف على الكل، من غير ما تقصد.. 🔴 لما الأم تكره زوجها، وتبدأ تنقل مشاعرها دي لأولادها بشكل مباشر أو غير مباشر.. البيت بيتحول لهدوء قاتل.. بيت فيه عيون ساكتة لكن قلوبها بتصرخ.. 🔴 أطفال بيكبروا مش فاهمين ليه الحب مفقود، وليه الأمان ناقص، وليه الضحكة دايمًا ناقصة.. والأولاد لما يشوفوا أمهم حزينة، بيشيلوا الحزن ده جوّاهم.. وبيصدقوا إن أبوهم هو السبب، حتى لو الحقيقة أعقد من كده.. 🟡 الأم أحيانا من وجعها بتنسى إنها مش بس زوجة موجوعة.. دي كمان أم مسئولة عن وجدان أولادها.. 🟡 والطفل لما يكره أبوه، أو يشوفه ضعيف أو قاسي في نظر أمه، بيبدأ يكسر صورة الرجولة جواه.. والبنت لما تشوف أمها بتُهان أو بتشتكي طول الوقت، بيتهز جواها الأمان والثقة في فكرة الزواج كلها.. ⛔ مش بنقول للأم "اتحمّلي الإهانة أو الإذلال على روحك"… لكن بنقولها "خلي أولادك يشوفوا العلاقة من زاوية تانية.. زاوية الاحترام، مش بس الألم".. 🔴 احترامك لزوجك قدامهم، حتى في ظل الخلاف، بيبني جواهم توازن نفسي، بيجعلهم يعرفوا يفرقوا بين الخلاف الشخصي والاحترام الأخلاقي.. 🔴 ولو مقدرتيش تحبي.. حاولي ما تكرهيش قدامهم.. ولو مقدرتيش تعيشي في سعادة.. عيشي في صمت حكيم، يضمن لهم تربة سوية يكبروا فيها.. 🟡 البيت مش مجرد أربع حيطان.. البيت روح، وأنتِ يا أمهات القلب اللي بينبض فيها.. - @adam______abdulrahman