🔥 መቻል የዝግጅት ጉዞውን በደብረ ዘይት ጀምሯል! 🏆 የመቻል ስፖርት ክለብ ለመጪው የውድድር ዘመን ያለውን ዝግጅት በይፋ ጀምሯል። ክለቡ የመጀመሪያውን የዝግጅት ልምምድ በደብረ ዘይት ባህር ሀይል ማዕከል በማካሄድ ለመጪው የውድድር ዘመን የሚያስፈልገውን መሰረት ለመጣል ስራውን ጀምሯል። በጠዋቱ የልምምድ መርሃ ግብር አዳዲስና የቆዩ ተጫዋቾች በአንድ ላይ ተገናኝተው እርስ በርስ የመተዋወቅ ሂደት አካሂደዋል። በተጨማሪም የቡድኑን የጋራ አላማ፣ የሚከተለውን የስራ አቅጣጫና ለውድድሩ የሚያዘጋጀውን ዕቅድ በጋራ ለመገንባት ትኩረት ተሰጥቷል። የመጀመሪያው የልምምድ ቀን የአካል ብቃትን ከማሻሻል ባለፈ ተጫዋቾቹ እርስ በርስ እንዲቀራረቡ፣ የቡድን መንፈስ እንዲገነቡና በአንድ አላማ እንዲንቀሳቀሱ የሚያግዝ መርሃ ግብር ነበር። የመቻል አሰልጣኝ ውበቱ አባተ ቡድኑ ከዛሬው ጀምሮ እንደ አንድ ቤተሰብ በመስራት ለታላቅ ዓላማ መዘጋጀት እንዳለበት አስገንዝበዋል። ተጫዋቾቹም የግል ብቃታቸውን ከቡድኑ የጋራ አላማ ጋር በማጣመር የሚጠበቅባቸውን ሁሉ ለማድረግ ዝግጁ መሆናቸውን አሳይተዋል። አሰልጣኙ በተለይም ሁሉም ቲም እንደ አንድ ሆኖ መስራት እንዳለበት፣ የግል አላማ ከቡድኑ አላማ በላይ መሆን እንደሌለበትና የመጨረሻው ግብ ዋንጫ መሆን እንዳለበት አስገንዝበዋል። 2019 የውድድር ዘመን ሲመጣ መቻል በሜዳ ላይ በጥንካሬ፣ በአንድነትና በትጋት ተጋጣሚዎቹን በመግጠም የዋንጫ ህልሙን ወደ እውነት ለመቀየር ከዛሬ ጀምሮ መሰረቱን እየጣለ ይገኛል። መልሱን ግን ሜዳው ላይ በሚያሳየው ብቃት፣ በትጋቱና በአንድነቱ ያሳየናል። አንድ ቡድን፣ አንድ ልብ፣ አንድ ዓላማ — ዋንጫ! 🏆🟢🔴 #መቻል #Mekelakeya #ውበቱአባተ #ዝግጅት #ዋንጫ - @derejagezaw