من روائع سدوم ولد أَبَّه في مدح أحمد ولد الداه ولد أحمد ولد عيدة مِنْ هُونْ إلى آكْـــدَ شْنْدَرَارْ ••• مُــــــــــلكْ أَرَايُو وَأَلَايُو فِيدَكْ وَأَمْشِيــــــــرْ بِيهْ بَارْ ••• عَنْ كَسْبُو وَزْلَايُــــــــــو يَا أَحْمَدْ وَانْتَ مِيــــرْ أَدْرَارْ ••• شَيْخْ أَلَايُـــــــــو وَأَرَايُو وَالِي فْالْمَلْــــــــكْ وِمَلْكُوكْ ••• أَسْبَابْ الْمَلْكْ وِشَيْخُوكْ وَهُونْ أَعْطَاكْ الْمَلِيكْ ذُوكْ ••• الْأَسْبَـــــــابْ أَعْلَ وِلَايُو مُلُوكْ الْفَخْرْ إِفْخْمُــــــــوكْ ••• وَالشُّكْرْ أَنْــــــتَ سَغْنَايُو وَالْأُمَـــــــــــــرَاءْ إِمَجْدُوكْ ••• وَالْعَالِـــــــــــــمْ فُقْهَايُــو ڭَذْ عَنْ شَكْلْ إِسُولُـــــــوكْ ••• ذَاكْ إِنْتَهَايُــــــو مَايُــــــو ڭَفْ وَأَسْــــبَابْ مَا حَنْثُوكْ ••• وَانْـــــــتَ حَامِـــلْ لْوَايُو وَالْوَيْهْ وِكْطْ أَلْوَاهْ بُـــــوكْ ••• وَانْـــــــتَ هُوَ لْوَايُــــــــو مَلِكْ الدُّوُولْ الثَّنْتَيْنْ وَأَدْ ••• رَارْ وِتِيـــــرْسْ مَلْكْكْ عَادْ ڭََاعِدْ فَالْسَرْزْ وِفِيكْ مَــادْ ••• مَغْفَرْ تَنْظَرْ فَاصْبَايُـــــــــو يِتْبَكَاوْ أَفْعِينِيــــــــكْ مَادَّ ••• أَنْكَـــــــسْ عَنْهُمْ وَاسْبَايُو بِيهِــــــــمْ بُوكْ أَمْجَارْ وَادْ ••• لْڭَــــــلَاتْ وِتُنْشَايُـــــــــو وَاطَارْ وِجُـــــولْ وِتُونْڭَادْ ••• شِ جَـــــــايْ انْتَ لَڭَايُــو بَلِي لَازِمْ مِنْ شِ امْڭَــــادْ ••• وَالْمَـــــــــالْ انْتَ عَطَايُـو وَالْأَمْــــــــــرَايْ أَبْلَا أَعْنَادْ ••• فَالْغِـــــــلْظْ أَمْعَاكْ وُلَا يُو حَجْلْ عَنْكْ تِتْڭَـــــــادْ زَادْ ••• ڭَاعْ امْعَاهُـــــــمْ فَاثْنَايّـو وِذَ ارْحْ بَعْــــدْ أَسْلِيطْ ڭَادْ ••• يَطْرَحْ ڭَرْعِيـــــهْ فْ رَايُو دُونَكْ بْرَايْ إِلَى اهْنَـــــــادْ ••• ذَ الــــــــــرَّايْ انْتَ هَنَايُو بْرَايّ أَلِـــــــــــــي مَزَاهْ بَادْ ••• شِ ڭَلْتُ أَرَايُــــــــو مَايُو عَانْڭَبْ وَالرَّايْ أَكْبِيــلْ زَادْ ••• خَلَالَـــــــكْ بُوكْ أَرَايُـــــو تَاجْ الْمَمْلَكَهْ هُونْ جَــــــاكْ ••• يَا أَحْمَدْ وَلْأَلْوَيْتُ مَا امْعَاكْ سُلْطَانْ إِسْلِيــطْ إِعُودْ فَاكْ ••• عَرْضُـــــــــو يِحْمِي حِمَايُو أَعْطَاكْ اللهْ الْلِّي أَعْطَــــاكْ ••• مِنْ شَانْ مْشَابَهْ شَايُـــــــــو عَرْضَكْ وِڭِيتْ مِنْ انْكْفَاكْ ••• وَأَتْجَجِــــــــــي بِأَجْــــجَايُو بِالْعَطِيَّـــــــــاتْ اللِّي جَاكْ ••• يَسْوَ اللَّاحِـــــــــــــڭْ غَنَايُو وَأَسْوَ جِيعَانْ إِلَى أَلْڭَـــاكْ ••• جَابِـــــــــرْ بَعْدْ أَمْظَايُـــــــو عِنْدَكْ مِنْ كُــــلْ أَنْهَارْ هَاكْ ••• مِـــــــنْ لُلُوفْ اللِّي مَـــا يُو زَمُّو وَامَنْ آزُوزَالْ حَـــــاكْ ••• وِڭَـــــدْ أَلْبَاسُو وَاتَايُــــــــو وِمِنْ الشِّي كَامِلْ لَا خَطَاكْ ••• شِ عْفَاكْ أَمَــــــــنْ اشْيَايُو زِينْ وِفِيهْ أَشْــــــلَايْ شَاكْ ••• ذَاكْ أَشْـــــلَايُو مَايُــــــــــو زَهْزَ بِيـــــــهْ إِيلْ ذَاكْ هَاكْ ••• ذَاكْ وِدَرْتْ أَعْـــــلَايُـــــــــو فُوكْ الْمُلُوكْ إِبَــــــــانْ ذَاكْ ••• اللِّي ذَاكْ أَشْــــــــــلَايُــــــو مُلْكْكْ سَارِفْ وَاعْلِيكْ شِيهْ ••• وَلِيلَــــــكْ فِيهْ إِبْلَا اشْبِيهْ أَمْعَارِظْ شَبْحُو مِنْ لَهِيـــــهْ ••• انْتَ هُوَ وَسَـــــــــــايُـــــو كَامِلْ وَلِي وِسِيـــــــتْ فِيهْ ••• الْمُلُــــــــــوكْ أَجَّلَايُـــــــو لَڭْصَـــــــــانِ مَا تَاكْو أَعْلَيْهْ ••• عَــادْ أَشْبَحْهُــــــــمْ بِنَايُو شُكْرْ أَنْظَامُو مَا تَاكْ بِيـــــهْ ••• شَرِّي الْعَـــــــرْضْ وِوَقَايُو مَالِكْ مَا دَرْتُـــــــــو فَازْرِيهْ ••• عَنْ شَرِّي الْعَرْضْ وُلَايُــــو حَجْلَكْ عَنْ تَشْرِيـــــــهْ بِيهْ ••• فَايَّـــــــــــامْ أَڭْسَ شَرَايُو مُلْكْ أَحْمَدْ فِيكْ وِفِيكْ عَدْ ••• وِبُوكْ سِيدْ أَحْمَدْ فِيكْ وَلَدْ عُثْمَانْ وِقَصْدُ يِنْقَصَــــــــدْ ••• ذَاكْ أَقْتِـــــــــــــدَايُو مَايُـو سُولْ وَاعْلِيـــكْ أَشْبُوهْ حَدْ ••• غِلْــــــظْ الشَّانْ وِرْدَايُـــــو فِيدَكْ مَدُّو مِنْ كُــــــــلْ مَدْ ••• مِنْ شُـــــــــــؤُونْ ارْتَدَايُو عِنْــــــــدَكْ عَدُوْ مِنْ كُلْ عَدْ ••• وِأَخْـــــزَايِمْ سَفْهَايُــــــــو فَايْدَكْ فَالْحَرْبْ وِلَا تَصَــــدْ ••• وِابْلَـــــــــــدْ ڭَلْتْ انْتَفَايُو يَعْجَلْ يِقْــــــــــدَرْ فِيهْ حَدْ ••• أَتَلْ كُـــــــــونْ انْتَهَايُـــــو وَرَايْ أَطْرَحْتْ أَعْلَيْهْ يَـــــدْ ••• مَا يَطْمَــــــــــعْ حَدْ أَرَايُو وَرَايْ أَمْنَعْــــــــــتْ مَا يَڭْدْ ••• يَطْمَعْ رَاج #afegrash #fyp #الشعب_الصيني_ماله_حل😂😂 #الشعر_الحساني - @afegrash