@rescue.angel168: ពេលដែលអ្នកនៅរស់រិលៗត្រឹមតែមួយថ្ងៃកាត់មួយថ្ងៃ... គ្មានអ្នកស្ដីបន្ទោស គ្មានអ្នកជំទាស់ អ្វីៗមើលទៅធម្មតាទាំងអស់។ ពិភពលោកហាក់ដូចជាសុខសាន្តល្អណាស់ផងដែរ។ _______________ ប៉ុន្តែសាកល្បងឲ្យអ្នកចាប់ផ្ដើម "ប្រាកដប្រជា" ជាមួយជីវិតមើល៍... ចាប់ផ្ដើមមានគោលដៅ ចាប់ផ្ដើមផ្តោតលើអនាគត ចាប់ផ្ដើមប្រាកដប្រជារឿងលុយកាក់ ចាប់ផ្ដើមអភិវឌ្ឍខ្លួនឯង ចាប់ផ្ដើមឆ្លាតជាងមុន ____________________ នោះអ្នកនឹងដឹងភ្លាមថា... "ពិភពលោកនេះវាសែនឯកា" • មិត្តភក្តិដែលធ្លាប់និយាយគ្នារាល់ថ្ងៃ "ចាប់ផ្ដើមបាត់មុខ" • មនុស្សជុំវិញខ្លួនចាប់ផ្ដើមសួរសំណួរថា "ឯងកើតអីហ្នឹង?" • ពាក្យឌឺដង ចាក់ដោត ចាប់ផ្ដើមលេចឡើង "ធ្វើខ្លួនអស្ចារ្យពេកទេដឹង?" ___________________ នេះមិនមែនជារឿងចៃដន្យទេ ប៉ុន្តែវាគឺជា "ការសាកល្បង" ព្រោះមានមនុស្សត្រឹមតែ ១% ប៉ុណ្ណោះដែលអាចឆ្លងកាត់វាបាន។ ចំណែកអ្នកផ្សេងទៀត? គឺត្រឡប់ទៅរស់នៅជីវិតបែបដើមវិញទាំងអស់ ព្រោះតែពួកគេ "ខ្វល់ពីសម្ដីអ្នកដទៃ ជាងក្តីសុបិនខ្លួនឯង"។ ___________________ ចុះអ្នកវិញ... ព្រមចុះចាញ់នឹង "ភាពឯកា" ឬសុខចិត្តទម្លុះវាដើម្បីក្លាយជា "អ្នកក្នុងទម្រង់ដ៏ល្អជាងមុន" នៅថ្ងៃអនាគត? ___________________ អានឲ្យចប់ នោះអ្នកនឹងយល់ថា... ហេតុអ្វីបានជាការចង់ "ក្លាយជាមនុស្សពូកែ" ត្រូវចាប់ផ្ដើមចេញពី "ភាពឯកោ"។ ____________________ (១.) មនុស្សដែលធ្លាប់ “យល់ពី” អ្នក អាចនឹងលែងយល់ពីអ្នកទៀតហើយ ពេលដែលអ្នកនៅរស់មួយថ្ងៃកាត់មួយថ្ងៃ ដើរក្នុងចង្វាក់តែមួយជាមួយមនុស្សជុំវិញខ្លួន អ្នកនឹងមានអារម្មណ៍ថាពិភពលោកនេះពិតជាកក់ក្ដៅ ពេញទៅដោយសំឡេងសើចក្អាកក្អាយ និងមិត្តភាព។ ប៉ុន្តែនៅពេលដែលថ្ងៃមួយ អ្នកចាប់ផ្ដើម "ប្រាកដប្រជា" ជាមួយគោលដៅរបស់ខ្លួនឯង អព្ភូតហេតុខ្លះក៏បានកើតឡើង... __________________ វង់សន្ទនាចាប់ផ្ដើមស្ងាត់ជ្រងំ មិត្តភក្តិខ្លះចាប់ផ្ដើមដកឃ្លាចេញឆ្ងាយ មនុស្សក្នុងគ្រួសារចាប់ផ្ដើមសួរសំណួរថា៖ "ហេតុអ្វីចាំបាច់ត្រូវប្រាកដប្រជាម៉្លេះ?" "រស់នៅឲ្យសាមញ្ញៗមិនបានទេអី?" នេះគឺជាចំណុចដែលអ្នកត្រូវជ្រើសរើស... តើចង់ត្រឡប់ទៅជាដូចដើមដើម្បីឲ្យចុះចំណោមគេ ឬសុខចិត្ត "ឯកា" មួយរយៈ ដើម្បីឲ្យខ្លួនឯងបានទៅឆ្ងាយជាងមុន? (២.) មនុស្សដែលធ្លាប់ “សើច” ជាមួយអ្នក អាចនឹងចាប់ផ្ដើមសើចចំអកឲ្យអ្នក បើសិនជាថ្ងៃនេះអ្នកទាំងអស់គ្នាកំពុងជួបរឿងបែបនេះ ខ្ញុំចង់ឲ្យអ្នកសាកល្បងក្រឡេកមើលមនុស្សដែលទទួលបានជោគជ័យនៅលើពិភពលោកនេះចុះ... លោក "Elon Musk" ពេលគាត់ប្រាប់ថាចង់បង្កើតរ៉ុក្កែតទៅផ្កាយព្រះអង្គារ គេក៏មើលឃើញថាគាត់ជាមនុស្សឆ្កួតឡប់។ លោក "Jeff Bezos" ពេលលាឈប់ពីការងារប្រចាំ ដើម្បីទៅលក់សៀវភៅអនឡាញ ក៏ត្រូវគេសើចចំអកឲ្យ។ លោក "Jack Ma" ត្រូវគេបដិសេធការងាររាប់សិបដង មុននឹងអាចបង្កើតអាណាចក្រ Alibaba បាន។ ឬសូម្បីតែ "Admin ផ្ទាល់" ក៏ធ្លាប់ត្រូវមិត្តភក្តិខ្លួនឯងសើចចំអកឲ្យដែរ ពេលដែលចាប់ផ្ដើមបង្កើតផេកនេះដំបូង ហើយចុះសព្វថ្ងៃនេះវិញ "ឯងធ្វើវាបានដោយរបៀបណា?" ហឹស! “អ្នកដទៃមើលងាយយើង វាមិនមែនជាបញ្ហារបស់យើងទេ ប៉ុន្តែនៅពេលណាក៏ដោយដែលយើងចាប់ផ្ដើមមើលងាយខ្លួនឯង នោះទើបជាបញ្ហាពិតប្រាកដ” អ្វីដែលអ្នកត្រូវធ្វើ មិនមែនជាការខិតខំប្រឹងប្រែងដើម្បីឲ្យមនុស្សគ្រប់គ្នាជឿជាក់លើអ្នកនោះទេ ប៉ុន្តែគឺ "ការបង្កើតលទ្ធផលឲ្យខ្លាំងបំផុត ដើម្បីឲ្យអ្នកទាំងនោះបិទមាត់ដោយខ្លួនឯង"។ (៣.) ភាពឯកោ មិនបានសម្លាប់អ្នកទេ... ប៉ុន្តែវាកំពុងតែសាងអ្នកទៅវិញទេ ពេលវេលាដែលអ្នកត្រូវ "តស៊ូតែម្នាក់ឯង" អាចនឹងសែនឈឺចាប់បំផុត៖ នៅលើផ្លូវដ៏សែនឯកា នៅលើផ្លូវដ៏សែនងងឹតស្លុប នៅលើផ្លូវដែលគ្មានអ្នកណាយល់ពីអ្នកទាល់តែសោះ ប៉ុន្តែជឿចុះថា... វាគឺជា "ការសាកល្បង" ដែលកំពុងតែសាកល្បងមើលថា តើអ្នក "ស័ក្តិសម" នឹងភាពជោគជ័យដែរឬទេ? ព្រោះបើសិនជាអ្នកចុះចាញ់តាំងពីពេលដែល "គ្មានអ្នកគាំទ្រ" អ្នកក៏គ្មានថ្ងៃទៅដល់ថ្ងៃដែល "មនុស្សគ្រប់គ្នាចង់ឈរក្បែរអ្នក" នោះដែរ។ "ភាពឯកោ" មិនមែនមានរៀបចំទុកដើម្បីបំផ្លាញអ្នកទេ ប៉ុន្តែវាមានទុកសម្រាប់ "ចម្រាញ់" ថាតើនរណាទើបជាអ្នក “ប្រាកដប្រជា” ឬនរណាទើបជាអ្នក "កំសាក" ? ហើយជាការពិតណាស់... បើសិនជាអ្នកអាច "ឆ្លងកាត់ការសាកល្បងនេះ" បាន នៅពេលដែលថ្ងៃនោះមកដល់ ថ្ងៃដែលអ្នកឈានដល់គោលដៅ... អ្នកនឹងដឹងភ្លាមថា "វាពិតជាមានតម្លៃខ្លាំងបំផុត"។ ហើយបើសិនជាអ្នក គឺជាមនុស្សម្នាក់ក្នុងចំណោមអ្នកដែល "ប្រាកដប្រជា" ជាមួយជីវិត ដែលមិនចង់រស់នៅក្នុងជីវិត "បែបដើម" ទៀតទេ ព្រមទាំងចង់ឆ្ពោះទៅរក "ជីវិតដែលឈ្នះល្បែងហិរញ្ញវត្ថុ" យ៉ាងល្អឥតខ្ចោះ។ នេះគឺជារឿងមួយដែលអ្នកត្រូវតែយល់... "លុយ" មិនបានរត់មករកអ្នកដែលធ្វើការធ្ងន់ជាងគេនោះទេ ប៉ុន្តែវារត់ទៅរកអ្នកដែលដឹងពីវិធីលេងល្បែងរបស់វា។ នោះហើយ... ជាមូលហេតុដែលមនុស្សត្រឹមតែ ១% នៅលើពិភពលោក មានបានបែបមិនចេះក្រ ព្រោះពួកគេ "ដឹងច្រើនជាង" និង "ចេះគិត" តាំងពីដំបូងមកម៉្លេះ! #goldenturtle #motivation #ម្ចាស់ការលើខ្លួនឯង

PUTHIDA៚✨

Open In TikTok:

Region: KH

Thursday 20 August 2026 12:33:52 GMT