@36revolution: ၄။ ဒါဆိုရင် စစ်တပ်က ဘာကြောင့် မပြိုကျသေးတာလဲ ဒီမေးခွန်းက လက်ရှိအခြေအနေကို နားလည်ဖို့ အရေးကြီးဆုံးမေးခွန်းတစ်ခုပါ။ စစ်တပ်ဟာ နယ်မြေတွေ ဆုံးရှုံးလာတယ်။ တပ်အင်အားလည်း ထိခိုက်လာတယ်။ စီးပွားရေးလည်း အခက်အခဲများလာ တယ်။ ဒါပေမဲ့ အာဏာယန္တရားက မပြိုကျသေးပါဘူး။ အကြောင်းရင်းတွေကတော့ အဓိကအားဖြင့် အချက်အချို့ရှိပါတယ်။ ပထမတစ်ချက်က နေပြည်တော်၊ ရန်ကုန်၊ မန္တလေးလို အဓိကမြို့ကြီးတွေကို ဆက်လက်ထိန်းထားနိုင်သေးတာပါ။ ဒုတိယအချက်က လေတပ်၊ လက်နက်ကြီးနဲ့ အခြားအကြီးစား စစ်လက်နက်တွေကို အသုံးပြုနိုင်နေသေးတာပါ။ တတိယအချက်က နိုင်ငံတော်ရဲ့ ဗဟိုအုပ်ချုပ်ရေးယန္တရား၊ ဘဏ်လုပ်ငန်း၊ အခွန်ကောက်ခံမှုနဲ့ အုပ်ချုပ်ရေးဆိုင်ရာ စနစ်အချို့ကို ဆက်လက်လည်ပတ်စေနိုင်သေးတာပါ။ စတုတ္ထအချက်က ရုရှား၊ တရုတ်နဲ့ အခြားနိုင်ငံတွေကနေ လက်နက်နဲ့ နည်းပညာတွေ ဆက်လက်ရရှိနိုင်နေ သေးတာ ဖြစ်ပါတယ်။ ရုရှား၊ တရုတ်၊ အန္ဒိယ၊ ထိုင်း နဲ့ စင်္ကာပူ တို့ဆီမှ စစ်ဘက်ဆိုင်ရာ နည်းပညာ တင်သွင်းမှု တန်ဖိုး ၁ ဘီလီယံကျော် ရှိကြောင်း UN ရဲ့ အစီရင်ခံစာမှာ ဖော်ပြထားပါတယ်။ ဒါကြောင့် စစ်တပ်ကို “ပြိုကျနေပြီ” လို့ တစ်ဖက်သတ် သတ်မှတ်တာထက် “အင်အားဆုတ်ယုတ်နေပေမယ့် အာဏာကို ထိန်းထားနိုင်စွမ်း ရှိနေသေးတဲ့ အာဏာယန္တရား” လို့ သတ်မှတ်တာက ပိုမှန်ကန်ပါတယ်။ ၅။ စစ်တပ်အားနည်းလာတာနဲ့ တပြိုင်နက်ထဲ တော်လှန်ရေးဘက်ကလည်း ပြောင်းလဲတည်ဆောက် လာနေတယ် ဒီနေရာမှာ တစ်ချက်ထပ်ပြီး သတိပြုဖို့လိုပါတယ်။ တော်လှန်ရေးဘက်က စစ်တပ်အားနည်းလာတာ ကိုပဲ ထိုင်စောင့်နေတဲ့ အခြေအနေတော့ မဟုတ်ပါဘူး။ ၂၀၂၆ ခုနှစ် ဩဂုတ် ၇ ရက်မှာ ဖက်ဒရယ်ဒီမိုကရေစီ ပြည်ထောင်စုပေါ်ထွန်းရေးဦးဆောင်ကောင်စီရဲ့ မဟာဗျူဟာနှင့် မူဝါဒရေးရာ ဦးဆောင်အဖွဲ့နဲ့ စစ်မဟာဗျူဟာ ပေါင်းစပ်ညှိနှိုင်းကွပ်ကဲရေးကော်မတီတို့ ပူးတွဲအစည်းအဝေး ကျင်းပပြီး စစ်မဟာဗျူဟာ ပေါင်းစပ် ညှိနှိုင်းကွပ်ကဲရေးကော်မတီအတွက် ပူးတွဲဥက္ကဋ္ဌနှစ်ဦး၊ အတွင်းရေးမှူးတစ်ဦးနဲ့ တွဲဖက်အတွင်းရေးမှူးနှစ်ဦးကို ရွေးချယ်တာဝန်ပေးခဲ့တယ်လို့ ထုတ်ပြန်ထားပါတယ်။ ဒီအချက်ကို အဓိကထားကြည့်မယ်ဆိုရင် တော်လှန်ရေးဘက်မှာလည်း နိုင်ငံရေးနဲ့ စစ်ရေးကို ပိုမိုချိတ်ဆက်ပြီး မဟာဗျူဟာအဆင့်မှာ ညှိနှိုင်းကွပ်ကဲနိုင်မယ့် အဖွဲ့အစည်းဆိုင်ရာ ယန္တရားကို တည်ဆောက်ဖို့ ကြိုးပမ်းလာတာကို တွေ့ရပါတယ်။ ဒါဟာ အရေးကြီးတဲ့ ပြောင်းလဲမှုတစ်ခုပါ။ ဘာကြောင့်လဲဆိုတော့ ရေရှည်စစ်ပွဲတစ်ခုမှာ နယ်မြေတွေ သိမ်းပိုက်နိုင်တာတစ်ခုတည်းနဲ့ မလုံလောက်ပါဘူး။ အဲဒီစစ်ရေးအောင်မြင်မှုတွေကို နိုင်ငံရေးရည်မှန်းချက်နဲ့ ချိတ်ဆက်နိုင်ဖို့၊ အဖွဲ့အစည်းတွေကြား ပူးပေါင်းညှိနှိုင်းနိုင်ဖို့နဲ့ ရရှိလာတဲ့ နယ်မြေတွေမှာ အုပ်ချုပ်ရေးစနစ် တည်ဆောက်နိုင်ဖို့ လိုအပ်ပါတယ်။ ဒါကြောင့် ဒီလို စစ်မဟာဗျူဟာ ပေါင်းစပ်ညှိနှိုင်းကွပ်ကဲရေး ယန္တရားတည်ဆောက်လာမှုဟာ တော်လှန်ရေးဘက်ရဲ့ နောက်တစ်ဆင့်စိန်ခေါ်မှုကို ပြသနေပါတယ်။ စစ်တပ်ကို တိုက်နိုင်ဖို့က ပထမအဆင့်ဖြစ်ပြီး၊ တိုက်ပွဲတွေကို နိုင်ငံရေးရလဒ်အဖြစ် ပြောင်းလဲနိုင်ဖို့က နောက်ထပ်အဆင့် ဖြစ်ပါတယ်။ လက်တွေ့မှာ ဒီကော်မတီက ဘယ်လောက်အထိ အဖွဲ့အစည်းတွေကြား ပူးပေါင်းညှိနှိုင်းနိုင်မလဲ၊ ဆုံးဖြတ်ချက်တွေကို မြေပြင်မှာ ဘယ်လောက်ထိ အကောင်အထည်ဖော်နိုင်မလဲဆိုတာက ပိုအရေးကြီးပါတယ်။ အဲဒီအတွက် လက်ရှိအခြေအနေကို “စစ်တပ်တစ်ဖက်တည်း ဆုတ်ယုတ်နေခြင်း” လို့ မမြင်ဘဲ “တစ်ဖက်က အာဏာယန္တရားကို ဆက်ထိန်းထားဖို့ ကြိုးစားနေပြီး၊ တစ်ဖက်ကလည်း နိုင်ငံရေး–စစ်ရေး ပေါင်းစပ်မှုကို ပိုမိုဖွဲ့စည်းတည်ဆောက်လာနေတဲ့ အပြိုင်ပြောင်းလဲမှု” အဖြစ် မြင်ဖို့လိုပါတယ်။ ဒါကြောင့် နယ်မြေတစ်ခုကို သိမ်းပိုက်နိုင်တာနဲ့ အဲဒီနယ်မြေမှာ ရေရှည်အုပ်ချုပ်ရေး တည်ဆောက်နိုင်တာကို ခွဲခြားကြည့်ဖို့လိုပါတယ်။ Territorial Control နဲ့ Political Control၊ Administrative Control ဆိုတာ တစ်ခုတည်း မဟုတ်ပါဘူး။ တကယ်တမ်း အနာဂတ်အဆုံးအဖြတ်က “ဘယ်သူက မြို့ပိုသိမ်းနိုင်သလဲ” ဆိုတာတင် မဟုတ်ပါဘူး။ “ဘယ်သူက သိမ်းထားတဲ့နယ်မြေမှာ ပြည်သူ့ဝန်ဆောင်မှု၊ တရားဥပဒေစိုးမိုးမှု၊ အုပ်ချုပ်ရေးနဲ့ စီးပွားရေးစနစ်ကို ပိုကောင်းအောင် တည်ဆောက်နိုင်မလဲ” ဆိုတာက ပိုအရေးကြီးလာပါတယ်။ #viral #fypシ #1millionviews #ပြည်သူများဘေးကင်းကြပါစေ

36

Open In TikTok:

Region: TH

Thursday 20 August 2026 15:18:36 GMT