@0198sudan: هسة خايف من فراقك كلمات / عزمي أحمد خليل الحان و اداء / هاشم ميرغني هسي خايف من فراقك.. لما يحصل ببقي كيف؟ زي ورد في عز نداهو.. خوفو بكرة يزورو صيف من عرفتك كنت حاسس.. انو الزمن لي ما بسيبك كنت حاسس رغم ريدي.. إني زي الما حبيبك والحنان البينا ولّف.. لا نصيبي ولا نصيبك والزمان عارف مصيرنا.. حقو لي ما كان يجيبك والفرح في دربي عارفو.. أصلو ما بطول كتير زي غمام في سمايا عدّى.. وسابني في عز الهجير كم فراش على وردة طلّ.. أصلو ما قايلة بيطير فات وراح شايل هنانا.. خوفي من نفس المصير وحقو يا عيني توالفي.. الصبر قبال فراقو وانتي عارفة الجاي بكرة.. وبرضو تغرقي في اشتياق وكم عيون في الريدة غرقت.. والزمن من ريدها ساقها ما كتير القلّبو حبّ.. ياما كم في هواها لاقى يا زمن علمني أنسى.. المحال نسيان عيونها حتى لو أيامي طالت.. ما أظني أعيش بدونها ما أظن أيامي تاني.. تاني زي حنانها تكون حنونة إنت خوني زماني كلو.. إلا أوعك يوم تخونها #الاغاني_السودانية

مكتبة الأغاني السودانية

Open In TikTok:

Region: SD

Thursday 20 August 2026 15:49:06 GMT