@anwarkadi1: Seenaan dubartii dandeettii fi naamusaa gaarii qabdu kun lammiilee keenya biyya ambaa jiraniif barumsa guddaa ta'a. Maqaan ishee Tamiimaa Ittafaa jedhamti. 🥰💥 Tamiimaan hojiif gara biyya Arabaa deemtee, mana tokko keessa waggoota 10 oliif tajaajilaa turte. Waggoota kurnan kana keessatti maatii ishee qacaree waliin jireenya jaalalaa, kabajaa fi wal-hubannaa irratti hundaa'e dabarsite. Keessattuu, ijoollee lakkuu maatiin sun qaban kunuunsa guddaadhaan dhaloota gaarii gootee guddifatte. Yeroon ishee yoo gahu, Tamiimaan gara biyya ishee Itoophiyaatti deebite. Garuu, riqichi jaalalaa isheen waggaa kudhan kana keessatti ijaarame sun hin citne; maatii sana waliin bilbilaan guyyaa guyyaatti wal qunnamuun wal gaafachuu itti fufan. Kunuunsi fi haadhummaan isheen ijoollee lakkuu sanaaf taate sammuu isaanii keessaa ba'uu dide. Ijoolleen lakkuun kun boodarra maatii isaanii rakkisanii, "Haadha keenya ishee nu guddiste ilaaluuf Itoophiyaa nu geessuu qabdu" jedhanii didan. Maatiin sunis fedhii ijoollee isaanii guutuuf jecha gara Finfinnee dhufanii, Tamiimaa waliin yeroo baay'ee namatti tolu dabarsanii simannaa fi jaalala isheetti gammadaa gara biyya isaaniitti deebi'an. Shuuf Safuu fi Safartuu Oromummaa: Akka saba Oromootti, orma ofitti qabuun, kabajuun fi amanamummaan tajaajiluun dhaloota irraa dhalootatti kan daddarbudha. Tamiimaan amala kanaan saba ishee boonsiteetti. Biyyoonni Arabaa lammiilee keenya hedduuf akka biyya lammaffaatti tajaajilaa jiru. Kabajni fi amanamummaan nuti har'a argisiifnu, balbala milkaa'inaa kan warra bor deeggaranii hojjetaniif banuudha. Haala kanaan alatti kabajamaa fi jaalatamaa utuu jirruu, biyya keessatti dargaggoonni keenya wal fi 'x 'u un fi dhimma dhuunfaaf wal loluun, carraa dhaloota borii kan dhiphisudha. Koottaa, bakka deemnu hundatti addunyaa waliin kabajaa fi jaalalaan haa jiraannu! Safuu fi kabaja keenya haa eeggannu! 🥰 #Oromummaa #Jaalala #Safuu #EthioSaudi #TamiimaaIttafaa Anwar shafitu Toora Facebook Isaa irraatti barreesse🫡🙏

Àñwår kãdî

Open In TikTok:

Region: ET

Thursday 20 August 2026 18:05:38 GMT