@haneen3772: في ناس ما بتعرف إنو كسر الخاطر ما حاجة بسيطة… وإنو الزول البتحبه ممكن يتحمّل منك حاجات كتيرة، لكن أكتر حاجة بتوجعو إنو يحس إنو ما مهم عندك. 💔 ما تكسر خاطر زول حبك بصدق، زول اختارك من بين كل الناس، واطمّن ليك، وحكى ليك حاجات ما قدر يحكيها لغيرك. ما تخليهو في يوم يقعد يسأل نفسو: أنا قصّرت في شنو؟ وليه الشخص عاملني كدا؟ أحياناً كلمة منك ممكن تفضل في بال الزول سنين… وتجاهلك ممكن يخلّي شخص كان مستعد يعمل المستحيل عشانك، يتغيّر عليك للأبد. لو في زول بحبك، قدّر محبتو. لو في زول بخاف عليك، طمّنو. لو في زول دايماً واقف معاك، ما تخليهو يحس إنو وجودو ما فارق معاك. الحياة قصيرة شديد… وما كل زول بنكسر خاطرو بيرجع زي الأول. في ناس بتسامح، لكن ما بتنسى. وفي ناس بتضحك قدامك، لكن من جوّا بتكون انتهت من كتر الوجع. فـ بالله… ما تكسر خاطر زول حبك. ما تخلي زول كان شايفك أمان، يندم إنو ائتمنك على قلبو. وما تخلي زول كان بدعي ليك في الغيب، يبقى يوم من الأيام بدعي ربنا يطلّعک من حياته. جبر الخاطر ما محتاج قروش ولا مجهود كبير… كلمة حلوة او حتی اهتمام بسیطاو اعتذار في وقتو ممكن يصلّح حاجات كتيرة. خلي الناس البتحبك تلقى منك الأمان… لأنو في زمن بقى فيهو كسر الخاطر ساهل، أجمل حاجة ممكن تعملها إنك تكون سبب في راحة قلب زول، مش سبب في وجعو. 🤍 وصدقني… الزول البحبك بصدق، خسارتو ما بتتعوّض بسهولة.❤️‍🩹🍂 #جبر_الخواطر #رسائل #خواطر #کلام_من_القلب #متابعه_ولايك_واكسبلور_فضلا_ليس_امر

👑💛Haneen/حنين

Open In TikTok:

Region: EG

Thursday 20 August 2026 22:15:34 GMT