@m_abushakra: تحقيق حلم كفيف فلسطيني بتسلق أعلى قمم جبال الألب 💚 كانت الساعة 4:00 الفجر، والعتمة بعدها مغطية الجبال، لما ودّع يوسف أمه وبلشتا طريقنا لوحدة من أعلى قمم الدولوميت بجبال الألب. قبل ما نفترق، قالها لأمه بكل ثقة: “راح أوصل القمة يما… بس شوفيني.” ومن الوادي، بقيت أمه بتستنى لأكثر من عشر ساعات… كل شوي ترفع عيونها للقمة، وبتدور عن ابنها بين الصخور، بالوقت الي كان يوسف بتسلق معي خطوة ورا خطوة بطريق مليان تحديات هو اصلا مش شايفه. أكثر من 10 ساعات من التسلق… تعب، خوف، صخور، عقبات، ولحظات كانت المسؤولية فيها أكبر من أي حكي. بس يوسف كمل. ولما وقف أخيرًا على القمة، بعد كل هذا الطريق، صرخ من أعماق قلبه وبأعلى صوته: “يمــــااا… وصلت!” بس أمه ما كانت تسمعه… كانت بعيدة كثير بالوادي، والقمة أعلى من أنه يوصلها صوته. هو ما قدر يشوفها من فوق… وهي ما قدرت تسمعه من تحت… بس قلب الأم مش بحاجة لعينين مشان يشوف، ولا لصوت يسمع.. كانت تعرف… كانت تشعر أن ابنها وصل. أحيانًا أعظم المسافات لا تُقطع بالأقدام… بل بالإيمان، والحب، وقلب أم ظلّ مع ابنها حتى القمة.⁩

AbuShakra

Open In TikTok:

Region: AT

Friday 21 August 2026 13:47:33 GMT