@taengene03: ល្បែងស្រមោលកូនអុក // 1 𝓢𝓱𝓪𝓭𝓸𝔀 𝓟𝓪𝔀𝓷 𝓰𝒶ℳ𝓫𝒾𝓉 🃜🃚🃖🃁🂭🂺 ពិភពលោកនេះតែងមានពីរជ្រុងជានិច្ច ភាពស្មោះត្រង់ និងការបោកប្រាស់។ ដើម្បីតែសុវត្ថិភាព និងផលប្រយោជន៍ផ្ទាល់ខ្លួន មនុស្សមួយចំនួនសុខចិត្តរុញអ្នកដទៃឱ្យរងគ្រោះជំនួស ទាំងដែលជនរងគ្រោះទាំងនោះមិនបានដឹងខ្លួន ឬប្រព្រឹត្តខុសអ្វីសោះ ប៉ុន្តែបែរជាត្រូវទទួលរងនូវផលបាកយ៉ាងអយុត្តិធម៌។ មេឃនាថ្ងៃនេះងងឹតស្លុប ភ្លៀងធ្លាក់ស្រោចស្រពចុះមកយ៉ាងខ្លាំង អមដោយសំឡេងផ្គរលាន់គ្រហឹមពេញផ្ទៃមេឃ។ ផាក ស៊ុងហ៊ុន កុមារាវ័យ ៨ ឆ្នាំ កំពុងឈររង់ចាំឪពុកម្តាយមកទទួលត្រឡប់ទៅផ្ទះវិញ។ ប៉ុន្តែថ្ងៃនេះមានភាពចម្លែកខុសពីរាល់ដង ម៉ោងជិត ៦ ល្ងាចទៅហើយ រថយន្តរបស់គ្រួសារនៅតែមិនទាន់បង្ហាញវត្តមានទៀត។ ដោយមិនអាចរង់ចាំតទៅទៀតបាន គេក៏សម្រេចចិត្តដើរត្រឡប់ទៅផ្ទះដោយថ្មើរជើងតែម្នាក់ឯង ក្រោមដំណក់ទឹកភ្លៀងដែលធ្លាក់ស្រោចស្រពរហូតដើមទ្រូង និងសម្លៀកបំពាក់សើមជោគ។ លុះធ្វើដំណើរទៅដល់មុខវិមានផាក អ្វីដែលគេបានឃើញមុនគេគឺក្រុមអ្នកភូមិកំពុងចោមរោមយ៉ាងកកកុញ។ កុមារាតូចប្រញាប់ប្រញាល់ជ្រែកបំបុកហ្វូងមនុស្សចូលទៅខាងក្នុង ស្រាប់តែប្រទះភ្នែកនឹងរូបភាពដ៏រន្ធត់ រាងកាយឪពុកម្តាយរបស់គេកំពុងដេកស្តូកស្តឹងក្នុងថ្លុកឈាមយ៉ាងគួរឱ្យតក់ស្លុត។ «ប៉ា! ម៉ាក់!» សំឡេងស្រែកយំយ៉ាងរន្ធត់ និងឈឺចាប់របស់កុមារាតូចបានបន្លឺឡើងពេញបរិវេណ។ «ប៉ា... ម៉ាក់... ហ្ហឹកៗ! ហេតុអ្វី? នរណា... នរណាសម្លាប់ប៉ាម៉ាក់ខ្ញុំ?!» គេស្ទុះចូលទៅអោបរាងកាយគ្មានវិញ្ញាណរបស់ឪពុកម្តាយ ទាំងទឹកភ្នែក និងឈាមប្រឡាក់ពេញខ្លួន។ «អេ៎! ប្រញាប់ទៅចាប់ទាញកូនប្រុសគាត់ចេញ!» សំឡេងអ្នកភូមិម្នាក់ស្រែកឡើងដោយភាពឆោឡោ រួចពួកគេក៏ប្រញាប់ស្ទុះទៅទាញរាងកាយតូចច្រឡឹងនោះចេញពីសាកសពឪពុកម្តាយរបស់គេភ្លាមៗ «លែង! លែងខ្ញុំហ្ហឹកៗ»ក្មេងនោះរើបម្រាស់ចេញពីដៃអ្នកភូមិដើម្បីទៅរកសពឪពុកម្តាយខ្លួនប៉ុន្តែមិនកើតទេ «មានតែត្រកូល atlanna ទេមើលទៅបានមកសម្លាប់ត្រកូល park បែបនេះព្រោះ ត្រកូលពីរនឹងគឺមិនត្រូវគ្នាទេ!» ពាក្យខ្សឹបខ្សាវរបស់អ្នកភូមិ ស៊ុងហ៊ុនក៏បានឮដូចគ្នានឹងចងចាំពាក្យ “Atlanna” ជាងគេក្នុងខួរក្បាល ១៥ឆ្នាំក្រោយ ក្រោយពីឪពុកម្តាយគេបានស្លាប់ មីងដែលត្រូវជាប្អូនរបស់ប៉ាស៊ុងហ៊ុនមានចិត្តអាណិតអាសូរព្រោះតែបាត់បង់គ្រួសារទាំងវ័យក្មេង។ទើបយកគេមកចិញ្ចឹមដូចជាកូនបង្កើតអញ្ចឹងមើលថែមិនឪ្យក្មេងនេះពិបាកទេនឹងឪ្យរៀនសិក្សាពីអចលនទ្រព្យព្រោះគេធំឡើងត្រូវគ្រប់គ្រងក្រុមហ៊ុនប៉ារបស់គេដែលបានចែកឋានទៅ ផាក ស៊ុងហ៊ុន ឥឡូវគេមានវ័យ២៣ឆ្នាំ គេមិនមែនជាក្មេងដែលអង្គុយយំអង្វរគេដូចពីមុនទៀតឡើយ ឥឡូវចរិកគេគឺផ្លាស់ប្តូរ ១៨០ដឺក្រេ តែអ្វីដែលមិនផ្លាស់ប្តូរគឺ គំនុំ! «ដល់ពេលដែលត្រកូលអ្នកឯង ត្រូវសងបំណុលឈាមមកកាន់គ្រួសារខ្ញុំវិញហើយ AT-LAN-NA”ស៊ុងហ៊ុនពោលត្រកូល atlannaអូលសង្កត់ ទាំងកំហឹងពេញទ្រូង «នាងស្អាតណាស់ atlanna Y/n! ប៉ុន្តែមិនគួរកើតក្នុងត្រកូលឃាតករអញ្ចឹងសោះ!» គេឈរមើលរូបរបស់ y/nដែលនាងថតពាក់រ៉ូបពណ៍សមើលមកថ្លៃថ្នូរណាស់ ស្អែកឡើង នៅកម្មវិធីពិពណ៌សិល្បៈដ៏ធំមួយក្នុងក្រុង Y/n កំពុងឈរមើលផ្ទាំងគំនូរយ៉ាងយកចិត្តទុកដាក់ ដោយពាក់រ៉ូបពណ៌សដ៏ថ្លៃថ្នូរ ដូចនៅក្នុងរូបថតនោះបេះបិទ។ នាងមិនបានដឹងខ្លួនទេថា មានកែវភ្នែកមុតស្រួចមួយគូកំពុងសម្លឹងមើលនាងពីចម្ងាយ។ ស៊ុងហ៊ុន ដើរតម្រង់សំដៅទៅរកនាងដោយឫកពារស្ងប់ស្ងាត់ និងមានមន្តស្នេហ៍។ គេកាន់កែវស្រាក្រហមក្នុងដៃ រួចឈរនៅក្បែរនាងយ៉ាងមានរបៀប។ «ផ្ទាំងគំនូរមួយនេះមើលទៅស្អាត និងមានជម្រៅណាស់... ប៉ុន្តែវាក៏លាក់បាំងនូវភាពងងឹតជាច្រើនដែលមនុស្សទូទៅមើលមិនឃើញ» ស៊ុងហ៊ុន បន្លឺសំឡេងស្មើៗ រួចងាកមកញញឹមដាក់ Y/n ដោយភាពទាក់ទាញ។ Y/n (ងាកមកមើលគេដោយភាពភ្ញាក់ផ្អើល បន្តិច រួចញញឹមតបវិញដោយភាពទន់ភ្លន់) «អ្នកប្រហែលជាយល់ពីសិល្បៈច្រើនហើយ បានជាអាចមើលធ្លុះដល់ជម្រៅបែបនេះ? ខ្ញុំឈ្មោះ Y/n» «ខ្ញុំឈ្មោះ ស៊ុងហ៊ុន... រីករាយណាស់ដែលបានស្គាល់អ្នកនាង Y/n» គេហុចដៃទៅចាប់ជម្រាបសួរនាង រួចសម្លឹងមើលភ្នែកនាងដោយស្នាមញញឹមលាក់ពិស នៅក្នុងចិត្តរបស់ ស៊ុងហ៊ុន គេដឹងយ៉ាងច្បាស់ថា ជំហានដំបូងនៃផែនការសងសឹក គឺការចូលទៅជិត និងទាញយកបេះដូងរបស់កូនស្រីត្រកូល Atlanna មួយរូបនេះឱ្យបាន! #taanovel #sunghoon #ល្បែងស្រមោលកូនអុក #fyp

Taa-novel•

Open In TikTok:

Region: KH

Friday 21 August 2026 14:32:14 GMT