ኩሉ ግዜ ተስፋ ኣሎ! ከተስተንፍስን ጸሓይ ብራቕ ክትርእይን ክሳብ ዝኸኣልካ፡ ሓድሽ ተስፋ ሒዝካ ንምትንሳእ ምኽንያት ኣሎካ! እተን ብስቓይ ዝነበዕካለን መዓልታት ብንብዓት ሓጎስ ክትካኣ፡ እቲ ግመ ተቐንጢጡ እታ ብስቓይ ዝነበዕት ዓይንኻ ብሓጎስ ክትነብዕ ክትርእያ እኻ። ተስፋኻ ሒዝካ ንቕድሚት ምጓዓዝ ጥራይ ኣይተቋርጽ! ምናልባት ብዙሕ ደኺምካ፡ ከቢድ ሓርጎጽጎጽ ናይ ህይወት እውን ኣሕሊፍካ ትኸውን፤ ምናልባት እውን ንብዓትካን ስቓይካን ዝርደኣልካ ስኢንካ ብጓሂ ዘስቆርቖርካሉ ግዜያት ነይሩ ይኸውን። እንተኾነ ከምቲ እቲ ከቢድ ጸላም ሓሊፉ ወጊሑ ብራቕ ጸሓይ ምርኣይ ዝኸኣልካ፡ እቲ ኣብ ህይወትካ ዘጋጥም ኩሉ ሓሊፉ፡ ነገራት ንደሓንካን ንሰላምካን ተቐይሩ ልብኻ ብሓጎስ ዝመልኣሉ መዓልቲ ግን ብርግጽ ኣሎ! ነዚ እዩ ጥበበኛ ሰለሞን "ንኹሉ ግዜ ኣለዎ" ብምባል—ከምቲ ናይ ስቓይ፡ ናይ ሓጎስ ግዜ፤ ከምቲ ንንብዓት ምረት፡ ንብዓት ሓጎስ እውን ከምዘሎ ዝሕብረና። ስለዚ ኩነታት ይኽፍኡ ይጥዓሙ፦ ንነፍስኻ "ኣሎኹልኪ፡ ጽባሕ ዝሓሸ ክኸውን እዩ ኣጆኺ!" በላ። እቲ ዝበለጸ መድሃኒት ተስፋ እዩ። ተስፋ እንተልዩ ምኻድ ኣሎ፤ ምኻድ እንተልዩ ድማ ናብ ሸቶኻ ምብጻሕ ኣሎ! - @kidanzelalem