@outgrowyourself1: مرات المشكلة مو بالولد وحده المشكلة بالأم اللي طول عمرها تكبر براسه وتكله (أنت غير عن الباقين وألف بنية تتمناك) بس ما تكله (گوم اشتغل على نفسك وابني مستقبلك وخلي عندك مسؤولية) فتخليه يعيش بوهم مجرد كونه ابنها كافي حتى الناس تتمناه وبمرور الوقت يبدي يصدگ هالكلام ويصير ما عنده دافع يتغير لأن بنظره هو أصلًا كامل وما محتاج يطور نفسه وبعدين من يتزوج تطلع بنت الناس وتكتشف الشخص اللي تزوجته ما عنده شغل ولا هدف ولا مسؤولية وكل اعتماده على أهله وهنا مو بس هو اللي انظلم حتى البنية انظلمت لأن دخلت حياة ويا شخص ما كان مستعد إلها من الأساس الأم مو دورها بس تحب ابنها وتدافع عنه من الحب الحقيقي همين تكله الحقيقة حتى لو توجعه تكله گوم تعلم واشتغل واعتمد على نفسك وكون رجل تگدر تشيل مسؤولية نفسك قبل لا تفكر تشيل مسؤولية إنسانة ثانية لا تكبر راس ابنك لدرجة تخليه يصدگ إنو العالم مدين إله كبر طموحه مو غروره وانت الشاب هم لا تعتبر نفسك ناجح لمجرد أهلك يشوفوك أحسن واحد بالدنيا النجاح مو تاكل وتشرب وتنام ببيت أهلك وكلشي متوفر إلك النجاح يكون عندك شي تسعى إله شغل أو دراسة أو مهارة أو مشروع تتحمل مسؤولية نفسك وتعرف شلون تعتمد على روحك وتطلع للعالم وتتعلم من الحياة مو عيب تمر بمرحلة تكون بيها بدون شغل العيب تتخذ الراحة أسلوب حياة وتبقى تنتظر أهلك يوفرولك كلشي وبنفس الوقت تتوقع الناس تشوفك شخص جاهز للزواج والمسؤولية لا تخلي مدح أهلك يخدعك إذا يريدونك تصير رجل يعتمد عليه خليهم يكبرون طموحك مو غرورك وانت لا تنتظر أحد يدفعك للحياة گوم وابدي بنفسك حتى لو بخطوة صغيرة #explore #fyp

يسار

Open In TikTok:

Region: IQ

Friday 21 August 2026 15:13:54 GMT