@amyosef96: إذا بتحبوا الشيشبرك بعجينة خفيفة وحشوة زاكية وما تفتح معكم باللبن… تعالوا أفرجيكم طريقتي خطوة بخطوة 😍👌👌 شيشبرك على طريقتي 🥟 أولًا – الحشوة: حطيت 400 غرام لحم مفروم مع ربع فنجان زيت وقلّبتهم. أول ما تغيّر لون اللحمة، أضفت حبة بصل مفرومة ناعم، وقلّبتهم لحد ما ذبل البصل شوي، وبعدها تركت الحشوة على جنب تبرد. ثانيًا – العجينة: استخدمت: * 3 أكواب معيارية طحين * ملعقة صغيرة ملح * من ¾ كوب إلى كوب ماء دافئ، حسب حاجة العجينة خلطت الطحين مع الملح، وبعدها أضفت المي الدافية بالتدريج وعجنت لحد ما حصلت على عجينة متماسكة وطرية. غطيتها وتركتها ترتاح نصف ساعة. بعد ما ارتاحت، قسمت العجينة إلى 4 أقسام حتى يكون فردها أسهل. ممكن كمان تقسموها لقسمين إذا بتحبوا. رشيت سطح العمل بقليل من الطحين وفردت كل قطعة، وبعدها قطعت دوائر باستخدام فنجان قهوة أو أي قطّاعة دائرية متوسطة الحجم. حطيت داخل كل دائرة تقريبًا نصف ملعقة صغيرة من الحشوة. وهون أهم نصيحة: لا تكثّروا الحشوة حتى تقدروا تسكّروا حبات الشيشبرك منيح وما تفتح معكم أثناء الطبخ. شكّلت حبات الشيشبرك وحطيتها بالفرن فقط لحد ما تنشف وتتماسك، بدون ما أخليها تتحمّر أو تاخد لون ذهبي. بعدها نزلتها مباشرة في اللبن المطبوخ، وطريقة اللبن موجودة عندي بالريل السابق. خليتها تغلي باللبن حوالي 5 دقائق. وبالآخر عملت الطشّة من ثوم + زيت زيتون + نعنع يابس. وممكن تستخدموا نعنع فريش، بس أنا بحب الشيشبرك مع النعنع اليابس، وخصوصًا النعنع البيتي اللي بنشفه بإيدي، ريحته ونكهته غير 😍🌿 أضفت الطشة وخليت الشيشبرك يغلي شوي، وبوقت التقديم زيّنته بـ الصنوبر، بيعطيه نكهة وإضافة كتير زاكية احفظوا الوصفة وجربوها، وإذا بتحبوا طريقة اللبن المطبوخ بتلاقوها بالريل السابق وصحتين وألف عافية ❤️🌹❤️ #شيش_برك #fypシ゚ #الشعب_الصيني_ماله_حل😂😂 #foryoupage #viral

amyosef96

Open In TikTok:

Region: IL

Friday 21 August 2026 16:29:16 GMT