@mokhbir.eqtisadi1: 750 مليار دولار!😳 ده الرقم المتوقع تصرفه أربع شركات أمريكية بس، وهما أمازون ومايكروسوفت وألفابت في سنة 2026 على تطوير الذكاء الاصطناعي ومراكز البيانات..💰 على الناحية التانية فيه شركة صينية عمرها 3 سنوات بس خلقت سؤال في عقول المستثمرين الأمريكيين، هل الموضوع يستحق صرف الفلوس دي كلها؟!🤔 شركة Moonshot AI اللي ميزانيتها تعتبر فُتات بالنسبة لعمالقة وادي السليكون وممنوعة حالها زي حال باقي الشركات الصينية من شراء الشرائح الإلكترونية من Nvidia، يعني لا معاها مليارات الشركات الأمريكية ولا معاها أحدث الرقائق، فالطبيعي إنها متقدرش تنافس.. لكن الشركة الصغيرة دي قلبت الموازين وفي خلال 48 ساعة بس خلقت منافسة شرسة جدًا مع كبرى الشركات الأمريكية في المجال، بعد إطلاقها أحدث نماذجها واللي كان عليه ضغط وطلب هائل جدًا.. القصة مش قصة شركة صينية أطلقت نموذج قوي وخلاص.. إحنا بنتكلم عن إزاي فيه تحول ممكن يهز اقتصاد صناعة كاملة اتضخ فيها مئات المليارات من الدولارات، ويخلي المستثمرين يسألوا السؤال المهم، لو معظم الشغل ممكن يتعمل بالنماذج الصينية الرخيصة المفتوحة للجميع، إيه المبرر بقى ورا كل المليارات اللي بتصرفها الشركات الأمريكية دي؟! إحنا جايين نجاوب على الأسئلة المهمة دي، هل الصين بدأت تكسب حرب الذكاء الاصطناعي؟ وإزاي شركات صينية صغيرة قدرت تنافس أكبر شركات التكنولوجيا في العالم؟ وهل اكتشف الصينيون طريقة تخلي الذكاء الاصطناعي أرخص بعشرات المرات؟ 🇨🇳🤖 والأهم، هل هيفضل التفوق التقني كفاية لحماية الشركات الأمريكية في المنافسة دي، ولا حرب الأسعار هتستنزف الشركات الصينية قبل ما تكسب السوق؟ حلقة جديدة ومهمة جدًا من #المخبر_الاقتصادي ، شوفوها كاملة على القناة الرابط في البايو، ومستنيين نعرف، رهانكم على مين، #الصين ولا #أمريكا ؟👀
