مګر زه؛ ښه جګ قوي عضلات او ښه ورزشکاره بدن لرم دا چې زما مېرمن په قامت ټیټه وه، نو هر وخت به مې په تکلیفوله، کله کله به ورته پټ شوم، چې دا به راغلل، یو دم به پرې راووتلم او وبه مې وېروله، کله کله به مې بیا ددې د یادښتونو کتابچه ورڅخه پټه کړل، بیا به مې ښه لوړ ځای کېښودل چې دا به نه ور رسېدل، ځینې وخت به په اشپزۍ اخته وه یا به یې تلویزیون کاته، ما به په تکلیفوله، ددې د تکلیفولو څخه ما خورا خوند اخیسته، مګر په پیل کې یې دې ته هم خوند ورکاوه، خو وروسته مې احساس وکړ چې نور زما ددې حرکتونو څخه په تنګه شوې ده. یو ورځ د کار په سبب وختي راويښ شوم، مېرمني مې د سهار ناشته برابروله، ما بیا یو څه په تکلیف کړله، خو دا ځل یې خورا په سخته او وېروونکې لهجه راته وویل: نن شپه چې کله کور ته راشې، ما به په کور کې ونه وینې! فکر مي وکړ چې ټوکې راسره کوي، ځکه هر وخت چې به مې په تکلیفوله، همدغسې اخطارونه به یې راکول. ماښام چې کور ته راغلم، مېرمنې ته مې ور غږ کړ، هیڅ ځواب مې تر غوږو نشو ، څو واره مې بیا ور غږ کړ ، خو بیا مې هم هیڅ جواب ترلاسه نه کړ، د کور ټول کونجونه مې پسې وکتل، خو پیدا مې نه کړه ، کله چې اشپز خانې ته ننوتلم، پر دېوال یې یو کاغذ راته نښلولی و، پرې لیکلي وه: “پر ځان فکر کوه، زه بیا نه راځم”. په دې وخت کې مې داسې احساس وکړ چې پښې مې کار نه کوي، ځان راته ډېر کمزوری ښکارېده، بدن مې رېږدېدا او یخ واخیست، ځان راته داسې ښکارېده لکه ددې ځمکې پرمخ چي زه تر ټولو کمزوری مخلوق یم، احساس مي وکړ چي هغه لنډکۍ او کمزورې مېرمن زما طاقت و او د هغې پرته زه هیڅ نه یم، دېوال ته مې تکیه وکړه، د هغه ماشوم غوندې مې ژړل د کوم چې مور وفات شوې وي، حیران دې ته وم چې په ټول ژوند کې مې اوښکې داسې نه وې بهېدلي. په دغه وخت کې مې د دسترخوان تر مېز لاندې د یو شي حرکت حِس کړ، میده میده خندا مې واورېدله، هو؛ هغه دا وه... دا تر دسترخوان لاندې پټه وه، یو دم مې ورمنډه کړه او ټينګه مې په غیږ کې ونیوله، زما د سترګو څخه اوښکي بهیږي، خو دا راباندې خاندي، د جادوګر جادو پر جادوګر راواوښته، خو اوس پوه شوم چې ددې لنډکۍ او کمزورې مېرمنې پرته زه هیڅ نه یم🌸😍 #faryoupage #viral #fypシ #تاجیک_هزاره_ازبک_پشتون_ترکمن🇦🇫 - @rahimdarman3