@qamarahror: Таъйиноти кадрӣ: Роҳбарони панҷ идораи Мастчоҳ нав шуданд Бо фармону пешниҳоди якқатор вазирони кишвар роҳбарони идораҳои тандурустӣ, шуғл, сабти асноди ҳолати шаҳрвандӣ ва фарҳанг дар ноҳияи Мастчоҳ таъйин шуданд. Кадрҳои навтаъйиншударо дирӯз дар бинои ҳукумат, Аъзам Ализода раиси ноҳияи Мастчоҳ дар зимни баргузории ҷасала муаррифӣ кардааст. Дар бораи ин таъйиноти кадрӣ Фитрати Ҳикмат, сухангӯи раиси ноҳияи Мастчоҳ ба “Суғдиён - Медиа” хабар дод. Ин масъули ҳукумати Мастчоҳ тавзеҳ дод, ки дар пайи сурат гирифтани ин таъйинот дар мақоми мансабӣ кӣ ҷойи киро иваз кард. Таъйиноти сартатабиб ва мудири шӯъбаи кӯмаки аввалияи тиббию санитарӣ бо фармони вазири тандурустӣ, роҳбарони мдораи сабти асноди ҳолати шаҳрвандӣ ва шуғл бо фармонҳои вазирони меҳнат ва адлия сурат гирифтааст. Дар ин миён танҳо мудири идораи фарҳанг бо фармони раиси ноҳия ва он ҳам бо пешниҳоди вазири фарҳанг таъйин карда шудааст. Аъзам Ализода, раиси ноҳияи Мастчоҳ дар расми муаррифӣ ба роҳбарони навтаъйиншуда хотиррасон шудааст, ки дар иҷрои вазифаҳои мансабӣ масъулиятшинос бошанд ва барои баланд бардоштани сатҳу сифати хизматрасонӣ ва кор бо мардум саҳм гузоранд.

Qamar Ahror

Open In TikTok:

Region: TJ

Friday 21 August 2026 19:26:30 GMT