❗️ «Енді үнсіз қала алмаймын»: Нұрсұлтан Жақсыгеннің бұрынғы әйелі елге үндеу жасады Фариза Алмасқызы бұрынғы күйеуімен арадағы жағдайдың енді сотта қаралатынын мәлімдеді. Ал алғашқы отырыс 25 тамызға белгіленген. 🟨 Актер әрі әзілкеш Нұрсұлтан Жақсыгеннің бұрынғы әйелі Фариза Алмасқызы көпшілікке үндеу жасады. Ол ұзақ уақыттан бері жалғасып келе жатқан жағдайға байланысты полицияға арыз жазып, мәселені заң арқылы шешуге барғанын айтты, деп хабарлайды @halyqmedia.kz. Фаризаның сөзінше, осы уақыт ішінде өзі ғана емес, отбасы да түрлі сөзге қалған. Ол бұрынғы жұбайы тарапынан ар-намысына тиетін сөздер айтылып, өзі туралы шындыққа жанаспайтын ақпарат тарағанын мәлімдеді. 💬 «Ұзақ уақыт бойы бұрынғы жұбайым Жақсыген Н. мені тыныш қалдырмады. Бұл жағдай туралы көпшілік біледі. Осы уақыт аралығында менің және отбасымның атына қорлайтын әрі ар-намысымызға тиетін сөздер айтылып, мен туралы шындыққа жанаспайтын және абыройыма нұқсан келтіретін ақпараттар таратылды. Ұзақ уақыт бойы мен сабыр сақтап, мұның бәрі тоқтайды деп үміттендім», – деді ол. Осыдан кейін Фариза Қарасай аудандық полиция басқармасына арыз түсірген. Оның айтуынша, Нұрсұлтан Жақсыгенге қатысты сотқа дейінгі тергеу басталған. 🟥 Фариза бұрынғы жұбайының іс аясында үйқамақта болғанын және кешірім сұрағанын да айтты. Алайда ол кешірімді қабылдамай, істің сотта қаралуын таңдаған. Енді тараптар сотта кездеседі. Іс ашық қаралмақ. Фариза болса, ашық процесс қоғамдық пікірге ықпал етіп, жағдайдың бұрмалануына әкелуі мүмкін деп алаңдайтынын жеткізді. 🟨 Алғашқы сот отырысы 25 тамызға белгіленген. - @halyqmedia