@.gh_.8: مجرد فكرة، التعلّق بيبدأ غالبًا لما حبك واهتمامك بشخص يزيدوا عن الطبيعي، فبتلاقي نفسك مع الوقت بتفكر فيه طول الوقت ومستني كلامه ومهتم بتفاصيله ووجوده بقى جزء أساسي من يومك. ممكن توصل لمرحلة إنك تحس إنك مش عارف تعيش من غيره أو إن يومك ومزاجك وحالتك النفسية بقوا مرتبطين بيه وبمعاملته ليك. وأحيانًا لما التعلّق يزيد عن حده الموضوع ممكن يتحول لغيرة وشك وتملّك لأنك بتبقى خايف تخسره أو إن حد تاني ياخد مكانك عنده فتبدأ تركز في كل تصرف وكل كلمة وكل تغيير صغير في معاملته وممكن من غير ما تحس حياتك كلها تتمحور حوالين الشخص ده وساعتها التعلّق نفسه بيبقى مُتعب مش ليك أنت بس لكن للطرف التاني كمان لأنه ممكن يحس إن عليه ضغط طول الوقت وإنه مطالب يطمنك ويثبتلك باستمرار إنك لسه مهم بالنسباله. ومن هنا بقى رد فعل الطرف التاني بيختلف من شخص للتاني، ممكن يبعد لأنه اتخنق من التعلّق الزايد والغيرة والتملك وممكن يفضل موجود عشان عارف إنك متعلق بيه ومش عايز يجرحك أو يكسر بخاطرك وممكن كمان يكون فعلًا مقدّر تعلقك بيه وبيحاول يعاملك كويس ويحافظ على مشاعرك وفي نوع تاني ممكن يستغل الموضوع بطريقة مؤذية لأنه بيكون عارف إنك متعلق بيه وإنك هتخاف تخسره فيستغل النقطة دي لصالحه ويخليك تقبل حاجات أنت أصلًا مش المفروض تقبلها. وفي كل الحالات أكتر حد بيبقى على أعصابه هو الشخص المتعلّق نفسه لأن مشاعره بتبقى معلقة بتصرفات شخص تاني، لو اتكلم معاه يفرح ولو اختفى يقلق ولو اتغير عليه يبدأ يفكر في السبب ولو حس إن في حد تاني قريب منه تبدأ الغيرة والشكوك وده اللي بيخلي التعلّق مش حاجة بسيطة زي ما الناس بتتصورها لأنك مش بس بتحب الشخص أنت بتبدأ تربط جزء كبير من راحتك وأمانك النفسي بوجوده ووقتها أي تغيير في العلاقة ممكن يأثر عليك بشكل كبير. #fyp #yourusername #viral #blowthisup #xyzbca
