يحكي الشاعر محجوب سراج عن قصةاغنية ليه بتسال عني تاني انو في يوم من الايام تزوجت انسانه عزيزه عليه و عزمت كل ألاصدقاء في المكتب شاعرنا ما مشي المناسبة سالت الاصدقاء محجوب ما جاء المناسبه مالو فكتب عنها قصيدة ليه بتسأل تغني بها الفنان الذري ابراهيم عوض وألحان السني الضوي ليه بتسأل عني تاني بعد ما شلت الأمـاني رحت خليتني لزماني إنت عارفو علي جاني ،،،،، لو بتفتكر الليالي تداوي غلبي و لا تاني ترجع الأفراح لقلبي إنت واهم يا حبيبي ؛ دي الليالي أمر لي من دموعي الفي عيني كل لحظة بتمر علي بتنقص الأيام شوية تطفي شمعاتي القليلة أفضل أبكي و أقول حليلها في الدموع أنا كل ليلة بدفن أشواقي و حناني ؛ ،،،،، من حياتك من حياتك كان حياتي كنت أجمل أمنياتي أنا عهدي راح راح ما أظنو آتي ؛ ما فضل لي يا ناس غير أغنياتي فيها أكتم ذكرياتي مرة أضحك و مرة أبكي و مرة أتحمل أساي مرة أهرب منو و أشكي و أحتضن حبك حكاية عشت فيها بكل روحي و إرتضيت سهدي و جروحي كنت داري و كنت دوحي و إنطفيت يانور زماني ٠٠٠ منقول - @aleribi2