@azpolitika: “AzPolitika”ya açıqlama verən Azad Vətən Partiyasının sədri, tarix üzrə fəlsəfə doktoru Akif Nağı deyib ki, idarəetmə sistemində müəyyən dəyişikliklərin edilməsi artıq həyatın tələbidir və bu istiqamətdə ictimai sifariş formalaşıb. "Bu istiqamətdə müəyyən işlər görülür və işğaldan azad edilmiş ərazilərdə, o cümlədən Qarabağın bir hissəsində, Şərqi Zəngəzurda icra hakimiyyətləri ilə yanaşı, xüsusi nümayəndəliklər də fəaliyyət göstərir. Cənab prezidentin Naxçıvana səfəri bir daha təsdiqlədi ki, bu yeni idarəetmə forması özünü doğruldub. Ona görə də böyük ehtimalla, digər istiqamətlərdə və bölgələrdə də bu modeldən istifadə olunacaq. Ərazi və inzibati ərazi vahidlərinin dəyişdirilməsi məsələsi gündəmdədir. Azərbaycan artıq iqtisadi rayonlara bölünüb və gələcəkdə həmin bölgülərə uyğun yeni inzibati ərazi vahidlərinin yaradılması mümkündür. Quberniya və qəza sisteminin bərpa olunması, yaxud Azərbaycanın qədim tarixinə uyğun adların yenidən qaytarılması yaxşı olardı. Ölkədə idarəetmə sahəsində müəyyən çətinliklər və problemlər mövcuddur. Vətəndaşların problemlərinin həlli üçün birbaşa ən yüksək dövlət instansiyalarına müraciət etməsi də bunun göstəricilərindən biridir. Belə bir praktika var ki, insanlar öz problemlərinin həlli üçün ən yüksək instansiyalara müraciət edirlər. Çox vaxt birbaşa Prezidentə və Birinci vitse-prezidentə müraciət olunur. Bu, insanların öz mövqelərini, istək və xahişlərini ən yüksək səviyyədə çatdırmaq istəyindən irəli gələ bilər. Lakin yerli strukturlar düzgün fəaliyyət göstərərsə, əhalinin problemlərinin böyük hissəsini elə yerindəcə həll etmək mümkündür. Yerli idarəetmə səviyyəsində məsələlərə kifayət qədər diqqət göstərilmir, bəzən biganəlik nümayiş etdirilir".

azpolitika

Open In TikTok:

Region: AZ

Saturday 22 August 2026 08:39:28 GMT