@bizimyolinfo: İlham Əliyev Özbəkistanın Milli İnformasiya Agentliyinə müsahibə verib Azərbaycan Respublikasının Prezidenti İlham Əliyev Özbəkistanın Milli İnformasiya Agentliyinə (UzA) müsahibə verib. Müsahibədə dövlət başçısı Azərbaycan-Özbəkistan münasibətlərinin mədəni-humanitar, siyasi və iqtisadi istiqamətlərdə uğurla inkişaf etdiyini bildirib. Prezident İlham Əliyev qeyd edib ki, ortaq tarix, dil və mənəvi dəyərlərə əsaslanan mədəni əməkdaşlıq iki xalq arasında dostluq və qardaşlıq əlaqələrinin möhkəmlənməsinə xidmət edir. Mədəniyyət günləri, təhsil və media layihələri, Füzulidə Mirzə Uluqbəy adına məktəb və Bakıda “Özbəkistan” parkı bu əməkdaşlığın nümunələrindəndir. Dövlət başçısı Türk Dövlətləri Təşkilatı çərçivəsində əməkdaşlığın Türk dünyasının inteqrasiyasına töhfə verdiyini vurğulayıb. Azərbaycanın Mərkəzi Asiya Dövlət Başçılarının Məşvərət görüşlərinə tamhüquqlu qoşulmasının regional əməkdaşlıq üçün yeni imkanlar yaratdığı qeyd olunub. İqtisadi əlaqələrə toxunan Prezident bildirib ki, 2025-ci ildə iki ölkə arasında ticarət dövriyyəsi üç dəfədən çox artaraq 795 milyon dollar təşkil edib. 2026-cı ilin yanvar-may aylarında isə bu göstərici 33 faiz artaraq 144 milyon dollara çatıb. İlham Əliyev Azərbaycan-Özbəkistan iqtisadi tərəfdaşlığının, qarşılıqlı investisiyaların və birgə layihələrin bundan sonra da genişlənəcəyinə əminliyini ifadə edib. #bizimyol #bizimyolinfo #gündəm #prezident #siyasət

Bizimyol.info

Open In TikTok:

Region: AZ

Saturday 22 August 2026 09:07:09 GMT