@axmad.daacad34: Waxaa maanta u fariistay Imtixaanka Shahaadiga ah ee Dugsiyada Sare ardaydii ka baaqatay imtixaankii hore ee loo qorsheeyay inay galaan, kadib markii xaaladdii amni ee ka dhacday degmada Jalalaqsi ay saameyn ku yeelatay habsami-u-socodka imtixaanka. Imtixaankan ayaa waxaa si wadajir ah u qaaday Wasaaradda Waxbarashada, Hiddaha iyo Tacliinta Sare ee Xukuumadda Federaalka Soomaaliya, oo kaashaneysa Wasaaradda Waxbarashada iyo Tacliinta Sare ee Dowladda Hirshabeelle, si ardayda ka baaqatay imtixaanka loo siiyo fursad ay ku gutaan waajibaadkooda waxbarasho. Tallaabadan ayaa qeyb ka ah dadaallada lagu xaqiijinayo in ardayda ay helaan fursad siman oo ay ku dhammaystiraan imtixaankooda shahaadiga ah, iyadoo aan xaaladihii adkaa ee ka dhacay deegaanka aysan caqabad ku noqon mustaqbalkooda waxbarasho. Wasaaradaha Waxbarashada XFS iyo Hirshabeelle ayaa u rajeeyay ardayda imtixaanka u fariisatay guul iyo natiijo wanaagsan.

axmad daacad

Open In TikTok:

Region: SO

Saturday 22 August 2026 09:20:44 GMT